أنه غرانّي فيّك من چنت حطّاب
والمهيوبه امددّهه
لمّن چنت اخلي بكل جذع نيشان
اختاريتك الشجره الأگعد بسدهه!
أنه غرانّي فيّك من چنت حطّاب
والمهيوبه امددّهه
لمّن چنت اخلي بكل جذع نيشان
اختاريتك الشجره الأگعد بسدهه!
شفت چفّي وماعرفته من الصفار
لكن الأكّدلي محبس لابسه !
هاي سُخريّة قدر لو آني هيچ
دمعي يوگف لو يضلّ بواهسه؟
جتني بوكت موّات شوغه بصدري
من الساده للدكتور ، حاير بـ امري
جتني بوكت كاره الدنيه وتعبان
واتمنى ما مگطوع حبلي السرّي
مثل أي حطب ماليّه صوت ومشمور
الناس تسمع صوتي لحظة كسري
وماشايل أيدي اعله الجنايز بوداع
ملتهيه اديّه وچنت لازم ظهري !
إذا ثگلت وجوه الناس ، عوف الناس
ولم حزنك وسافر ، لا تطوّلهه
أمس حطّيتهن مرسال يم مرسال
وعاينت لردودك ما استاهلهه!
مثل حطّة صواع بحمل بنيامين
تتهمني بعمايل ماني عاملهه!
أنه روحي التواضع وين وصّلهه؟
طير! ، امشي اعله رجلي وناسي عندي جناح
بكثر ماعاشرت وادم نزلتلهه !
لشدّك بين مُهره ومُهره گلبي اليوم
ومُهره اجلدهه يمنه ومُهره اشمّلهه!
انبعت بيعة عرف ، طيّحت منّي هواي
مو سعري وقبلت الما اتقبّلهه
آنه اليحترگ من تُبرد الـ ليش
و يُبرد گلبي من اشعل جگاره
واعيش بكُل قَلق ويّ اليصلّون
و آخذ راحتي بصف السكاره !
سدّيت بابي لجيّتك
وفتّحت عيني لطيفك
ماتلگه ذاك ال بالزعل
اليگلك آسف واعتذر
منا وغاد بكيفك!
إلي چنت ازامط بيه وتخ ـيرـته...
بايعني وانا بما وجهي اشترـيته؛..
البارحه مگابل حنيني وماعرفته ! شگد كٌبر
اني والشباج نگعد نحچي بيك
ويگعد ويانه مطر
تدري اذكرك وابچي واركض
حتى احط راسي اعلا چتفك بالصور
حـــركتك قليل وبيــن الطيــــــن
اجذب العين واكلها الماي صافي
