"جنا من نظره عينها نعرف هذا خطأ "
وحده من الطرق الفعاله جدا في تهذيب وتوجيه سلوك الطفل هو انشاء تواصل فعال حقيقي منذ اليوم الاول
هذا الشي الي صار مفقود حقيقه اكولها واني واعيه على الفجوه الي صارت بين الامهات والاطفال بعد دخول التكنولوجيا
صار التواصل بين الام والطفل ضعييييييف جدا جدا
الطريقة الابسط (وليست الوحيده) لانشاء هذا التواصل
هو كلما تباوعين على طفلك ابتسمي اله
من اول يوم حتى لو ميشوف زين انتي دتسوين تدريب الك وبمرور الايام اكيد حيشوف احسن وحيميزها وحيبادلك الابتسامة ويوم عن يوم وي كل نظره اكو ابتسامة
هاي الابتسامه بيها كلش هواي معاني وبيها تواصل وطمأنه ومحبه وامأن اذا كدرنا نحافظ عليها بشكل حقيقي
من يكبر اكثر لاي موقف يباوع عليك واذا ماشاف هاي الابتسامه حيعرف اكو خطا
خطا هو ديسوي وانتي بنظره عينك نبهتي
او خطا يمك وبنظره عينك يميزه ويجي يحاول يطمنك
التواصل هذا يكبر ويانا
واهلنا قبل حرفيا
(جنا من نظره عين امنا نعرف هذا خطأ)
د.اسماء
رد مع اقتباس
