يسعد مساءكم بكل خير
حلاوت الحليب الكصات كمية للثوابات
وهاي الطريقة اصير شكل قطع وهشة
نبدي بسم الله ونصلي على الرسول
المقادير
نص كيلو حليب مجفف(المدهش)
وكيلو ونص سكر
وربع دهن( لايستبدل بزيت أو زبد نهائيا)
وهيل
وباكيت حليب سائل ابو الربع اطيب من المي
طريقةالعمل
تخلطين الحليب والسكر والحليب السائل وممكن استبدلة بمي عادي والهيل سوه وتخليه على الناروتكون هادئةمن اشوفين لونه صار اشقر وذاب السكراضيف الدهن وتستمرين بالتحريك متركين ابد ايدج بالجدر إلى ان يصير لونه مثل الي بالصوره من بعده مباشرة اصبه لأن تيبس بسرعة أما اخليه على ورق زبدة وشوية مدهون بزيت او صينية ومدهونة بزيت واتركه تبرد واقطعه تردين مربعات مثلث اليعجبج وهاي المواد تصير كمية
ملاحضة اليريد اتكون حلاته قليلة ايخلي رشة ككو باودر وحتى لونه ايصير احلى
ملاحضة ثانية التحريك بلمعقة خشبية وللأمانة طريقة عمله متعبة مو تخليه ٥دقائق وكلتي مصيرمن تشوفيه قطعة اتصير وحدة تكون تمام.
رد مع اقتباس
المشاركة الأصلية كتبت بواسطة NAZ
