حبيته ابوقت جان اليحبه ايموت!- حسين الساعدي
صاحبته ابوقت كلمن يحبه ايموت
مو بعد السقوط,,, ابدنيا مامنونه!
.
أدري ابصحبة محمد تهَجم ابيوت!!
وأمن صدام / جانوا ما يرحمونه!
.
جنت ابحُب حبيبي_ امحضر التابوت
وأنطيهم عذر ,,,,, لمن يعدمونه!
.
اهواي الجانوا ايحبونه من الصوت
وقليل المثلي يمشي... النظرة اعيونه!
.
السيد عنده ثوره... وما حجه ابسكوت!
حجه ابصوت الحسين / الكل يسمعونه!!
.
يوم الكال ( كلا ) وشخص الطاغوت!
اشكد هددوا !!! وظَنهم يخوفونه!!!
.
صفوها الجيوش ... وحوت يتبع حوت!
كطعوا كل درب , أنصاره يمشونه!!
.
محمد ما سكت باقي ابهذاك الصوت
وبكل جمعه ,,, يتحدى اليعادونه!!
.
ما فاتته الفوته , البشهامه ايفوت
أده الراده ربه *بطلقه* مضمونه!
.
مثل عيسى ابن مريم بالذكر مثبوت
أشتبهوا بالأصل !,, ظنهم يصلبونه!
.
وال شُبه لهم ! , كالوا خذاه الموت!
واشلون الكُمر ,, ظنوا يدفنونه!
.
السيد باجر ايرد_ ينصر المكبوت!
وانه احجي ابدرايه/ وحكمه موزونه!
.
وباجر مو بعيد انتظروا المبخوت
ويه المهدي// يحضرنه وتشوفونه!
ويه المهدي// يحضرنه وتشوفونه.
حسين االساعدي
رد مع اقتباس