عاشَرتَك نجِم مِن چان عمرَك ليل
أذوب وأشتعل حتى أبقى أضويلَك
مِن طلعت شمس خط رَجعة ماخليت
وما جازيتني لمَن خلص ليلَك
بانيلَك چنت حضرَة عشگ بالروح
ومَرقد للمَحنة بروحي بانيلَك
وأنذرلَك چنت وأفتر وأحني الباب
هسة تهَدَمت يا باب أحنيلَك!
عاشَرتَك نجِم مِن چان عمرَك ليل
أذوب وأشتعل حتى أبقى أضويلَك
مِن طلعت شمس خط رَجعة ماخليت
وما جازيتني لمَن خلص ليلَك
بانيلَك چنت حضرَة عشگ بالروح
ومَرقد للمَحنة بروحي بانيلَك
وأنذرلَك چنت وأفتر وأحني الباب
هسة تهَدَمت يا باب أحنيلَك!
وأشتاگلك وارجَع طفل
ما يقتنع هوَّ بعذر
ما يعرف فراگ وهَجر
كُل اليشوفة يريدة
حاجاتة كُلهن بَس أله
وممنوع واحَد يقترب
حاضنهن بچف أيدة
⠀
ما ارهم لغيرك أنا إلك مرسوم
خط بچف يديك شلون تمحيني
تريد تروح هسة؟ الجرف شيرضيه
النوارس شرد اگلها من تلاگيني؟
| حيدر هواد
⠀
أحسك مدري شنهي انت
بحر بچفوفي يتبده
واريد اشرب ولا گطرة
وشوف الروح مثل الروج
تتكسر على الصخرة
وانا وطرواك طاحونة هوى
يفرنا الهوى العالي
يا شارع يلمني بليل
ماكو بيت من سوالفك خالي
أروح لوين
شكثر من بحر ذبيت بيه روحي
ولگيتك ع الجرف تابوت تبرالي!
| الگاطع
⠀
وطرف ثالث احسبني حتى أظل وياك
وبطرف الفراگ طلعت حاسبلي
غشيت بمحبتك وأنا ما غشيت
رغم ما ناس افضل منك تردلي
وعلى حس الطبل خف گلبك ورجليك
ورانا من اثر جدمك ما شلت رجلي
ومن هزة جتف من عقلك اسمي الطاح
وأنا يهزوني واسمك ثابت بعقلي
| علاء العبيدي
ما دامتلي فرحه ولا دمعتي تروح
مدري شعنده وڪتي وياي متعاند
صرت حتى من انام احلامي مو حلوات
لو مڪتول افز لو ڪاتل وشارد .
خطيه انا
وخطيه يصير هيج وياي
كون المثلي هسه الضحكه تارسته
ويخلص الصبه العشرين مثل الناس
مو كلساع يدعي تصير فاتحته
هسه اني
خلي افترض ايامي تنساهن ما
عندي يمك صور بالصدفه تلكاهن .
خَل نتبادل انا وياك
الادوار!
واغيب وانتَضل اسئل عليه!
وافرض تگدر تنام
فنك تفز
ما حلمان بيه!
صح عايش ابدنيه انه
او حاسد الميت عل گبر
علي المعموري