هنا

[فقار الكرخي]

هالفترة اعيش احساس ما عشته
اول مره احسك مو مهم انته

ولا جنك هذاك الجنت معتز بي
وجنت اشتاقله لو ساعة ما شفته

هو الانتصار الصدك من حسيت
انعدمت رغبتي بالشي الادمنته

نسيتك والجرح حسبة دهر ويطيب
عليمن تعتذر لانسان ضيعته ؟!

مرات المطر فوك الحطب لجمات
تره يأذي العذر من ما يجي بوكته

يومية اطوي صفحة وابدي صفحة وياك
لو قاري مجلد جان خلصته

المهم خلصت ولو جلبت بيك هواي
بس هذا قرارك واني نفذته

انا كدما بظهرك جنت اشمر ماي
النوارس حسدتك ع الما محصلته

روح براحتك لكن خسرت انسان
يذكرك حتى من تخونه ذاكرته

يطيب خاطرك بس ماله خاطر جان
يسولفلك نكت والعبره خانكته !

منين تجيبلك واحد يفكر بيك ؟
وبوكت انشغاله تصير سالفته

لهنا والنفس ما يوكف بلياك
اني الأعز منك للكبر شلته

المصيبه بغيبتك ما أكدر ابجي عليك
اعذرني الدمع وياك وشلته

أمنيتي اشتاكلك بس ما تجي على البال
ما جاي احس عندي انسان فاركته ،!


.

[كرزاية]

شكرا جزيلا

[فقار الكرخي]

نوريتي