هنا

[فقار الكرخي]

يا فشلتك من تثق وتنخذل
لمن يعوفك حبيب و تنسأل

تسكت وبعيونك يبين الجواب
يبقى دمعك ينهمل من تنهمل

تعرف شلون الجرح ينشاف بيك
من يعرفوك اجتماعي وتنعزل

لمن يشوفون طبعك بي برود
وجنت من الهوى يجيسك تنفعل

من يموت بداخلك ذاك الشعور
وبيك ما تلكه مثل واهس قبل

من تصير كلادة بس مالك مكان
تلكة روحك ضايعه اكبال الحجل

لمن تلاكي المرايه وانت شاب
وتلكه عمرك ما يلوك على الشكل

من تشوف الشيب واصل للزلوف
وانت ليهسه تحس نفسك طفل

لمن توصل مرحلة المغرب تنام
والمخده الجوه راسك تنغسل

ودك تسامح لجن جرحك غميج
شما يدورلك عذر ما ينقبل

واذا باجر ينعدل طبعة ويجيك
المشكلة ظهرك بعد ما ينعدل

تحمل الفركة و إذا دمعك يطيح
الفركة افضل من بشر ما ينحمل

وخلي كلبك يحترك والبي يموت
اقبل بنارك ولا تقبل تذل

وهي لمن تنجوي جروحك تطيب
تره يفك حزنه الفحم من يشتعل









حيدر الشكري

[دُعےـــآء]

عشت شكرا فقار

[ايليتا]

مؤلمة..الخذلان
الموت اهون
فالروح حينما تنكسر
تتشظى إلى الف جزء
شكرا جزيلا للمشاركة الرائعه

[فقار الكرخي]

نورتو الكون