العفيفه بهل وكت فد شي غريب
عدها عقده وحاله لو عدها اكتئاب
الشرف شنهي الشرف كلش قديم
هسه وكت التجذب عيون الشباب
واللبس كله حصر مضياك حيل
والعبايه مخصره وفيكه الحجاب
الكحله والمكياج هم هذا عتيج
هسه وكت التاتو والفن العجاب
والما مكبله هاي لا مو بنت اصول
هاي جكمة وعوبه فاول بالحساب
هاي وحده مشوهها وما عدها ذوق
هاي موش امثغفه براي الصواب
خو بنات الجامعة وكت الدوام
جايه تفتح ملهى مو تفتح كتاب
ناس خربت والحسن ماتدري ليش
ناس عدها الغيره صارت بالتراب
ناس نتأسف عليها شلون ناس
بأسم التطور باعت الغيره بسراب
غابت الاخلاق والناس الاصيله
كلشي مثل اول فگدته وعني غاب
جيت ادور على الزينه وما لگيت
جيت ادور ع الشرف شو چنه ذاب
اني اريدن وحده قدوتها البتول
زينبيه وتحمل اخلاق الرباب
آنه وين الگه مثل هاي الصفات
چنت اظن هواي الگه وظني خاب
عمي قابل حتى لو جانت مكلبه
وحتى لو چان الگلب مرتين حاب
منقول
رد مع اقتباس
المشاركة الأصلية كتبت بواسطة حسن هاشم
