شافوني طحت بس كامو يضحكون
وخبر صارت وگعتي وياخبر عاجل
وانه ذاك الدمع بعيون اليغنون
صح وكت الفرح بس للحزن نازل
مودنيا عشت جرباية المسجون
وهيه المشكلة المسجون ماعايل
وتهموني بحجي وانه اخرس من البير
وانه تندمت جي كلشي ماكايل
من اعرب مواقفهم مبني للمجهول
وانه البالمواقف ينعرب فاعل
دمع مارجعت خد يابس وعطشان
بخيث وعندي خير. وماارد سائل
وعلي عندي گلب ماشايله العصفور
يجي للاچمه وللعايفه يغازل
وياهم عشت نومة بكهف مسكون
قلق والحذر منهم للحلم واصل