هنا

[المستشار القانوني]

سلام عليكم ..ياجماعة الخير...
عاااااجل..
أم أحمد صبتلي الجاي بالشكل




أكلهه عود ليش ...تگلي بعد أحسن ..!!
خاف ناصبتلي فخ وأنه ماادري
عود شتقصد

نسخة منه إلى
فقار ...وذوي الخبرة والأطلاع

[الرميثي]

هاي علامة النصر ههههه

كانت الحجية الله يرحمها من تطلع
عندي ملعقتين تكَلي معناها تتزوج نسوان اثنين
هسة انتة ما ادري اشتقصد ام احمد وياك
احتمال منتصرة عليك بفد معركة او تريد تزوجك بعد

[علي الواسطي]

تريد تشوف ردة فعلك

لا تطلع بطولاتك ودير بالك على روحك ترا ما تحس على روحك إلا يكولون الله يرحمة جان خوش انسان

[مشمش‌]

مبروك خالو راح تتزوج الثانية

[كرزاية]

العريس وربعة يزفونا

[❥ أم محمد ❥]

دتختبرك ديربالك

[دُعےـــآء]

اللي نعرفه ان اللي يطلعله خاشوگتين باستكان الچاي راح يتزوج اثنين .. بس هنا زوجتك جاي تختبرك يرجى اخذ الحيطة والحذر

[ȺӀì βąҍӀì]

استاذ عماد ..
قوي كلبك وكله وين الثالثة

[المستشار القانوني]

هاي علامة النصر ههههه

كانت الحجية الله يرحمها من تطلع
عندي ملعقتين تكَلي معناها تتزوج نسوان اثنين
هسة انتة ما ادري اشتقصد ام احمد وياك
احتمال منتصرة عليك بفد معركة او تريد تزوجك بعد

والله يخويه گلبي يلعب ...ومامصدگ ..
ورطتني مره ..عود ردت أسويهه سلميه ..وخليتهه تكلم زميلة الي بنفس وزارتنا أهلها ببغداد..وگالتلها ماعندي كل مانع تتزوجون...والبت حاجت أهلها ..ومنتظرين أهلها الترتيبات النهائية..وقبل المشية بيومين ..تفاجئت بالبنية تخابرني وتبجي ..مخابراتها ام احمد ومهددتهه ولاعبه بيهه جوله ..حته خلتهه تفرفح من البواجي...وظلت محتارة لاهي تكدر تگل لأهلها ..مرته بطلت .ولا تگدر تسكت..أخر شي استسلمت...خطيه وأغلقت كل وسائل التواصل وحته رقم موبايلهه غيرته..واخر شي ودتلي فديوهات دموع وبواجي وحزن..وانسدل الستار على أكبر محاولة جدية للتعدد..صاحبي گالي أنته ماتعرف موهيجي ..لو مسويهه مثل الدعوة الإسلامية للدين الجديد...بدوهه بسرية وانتهت علنيه..هسه اني متردد من تكرار التجربة

[المستشار القانوني]

دتختبرك ديربالك

اي والله يم حمودي ...المكروص حيه .. يخاف من جرة الحبل