يسألوني ليش احبك؟_ حسين الساعدي
يسألوني,, ليششش أحبك!
وليشششش أذوب ابشوفتك!
وانه شاعر
صرت أغار إمن القصيده التحجي بيك وحبتك!!
اشلون ما أضمك ابروحي
وانتَ رَجعت ابو اليمه ابقصتك!
ابغيرة العباس أسمع,,, بس شفتها ابغيرتك!
احنه قلدناك وانتَ
امقلد الكرار جدك,,ماتهمك دنيتك!
انتَ أول قائد ايسابك اجنوده
وكلها تمشي ابخطوتك!
انتَ جنك
حلم ,, لكن
ما تطول جيتك!
الله خصاك ابكرامه,, الجنه هيه اتعنتك!!
اشكد تحب احسين انتَ!
امقلده حتى ابموتتك!
,
مابشر صلى ابمصابه
وهايه كلش أذتك!!
,
ولهذاا ابنفس عمره,,
ردت تبقه ابدنيتك!
,
وصرت مثل حسين ثائر
وكلها تدري ابثورتك!
,
رايد ابكلشي تشبهه
حتى ساعة طيحتك!!
,
البنجف جان ابتقيه!!
وما اجاك الجثتك!
.
ماجه ايصلي عليك
الحَوزته ابصف حَوزتك!
.
لكن الله مايعوفك
خله رحمه ابتربتك!
ومثل ما لحسين تمشي ,,
الناس تمشي الحضرتك...
والمعاجز تحجي بيها ,,احرارك الما باعتك!
اشلون ما احبك يسيد,,
وجنة الله ابرايتك!
حتى بيتي صرت احبه ,,لأن حاضن صورتك!
لأن حاضن صورتك,
حسين االساعدي
رد مع اقتباس
المشاركة الأصلية كتبت بواسطة نَــبّــض
