حير بيه
خاف اموت وبعد وماتلحك عليه
حير بيه وخلي روحي بنصه روحك
وخلهه تتشابگ خطيه
حير بيه وياي سولف اكعد بصفي استمعلك
انته سولفلي عليك واني اسولفلك عليه
ليش هيج ويايه مجفي
واني حتى انفاسي يمك
باقي بوشالة نفس مخنوك ريه
حير بيه الناس عرفو سبب موتي
واهلي تهموك بكتلتي وحطوا براسك قضية
وباوعتهم كلها ضدك كلها صارت ويا اهلي
ومن شفتهم هيج صارو گمت غيرت الوصية
كتبت بيهه هواي عنك
كتبت بيهه هذا مبري
وابد لتهمونه يكتل
هذا مو هوه الكتلني
اني بيدي اكتلت روحي اني مذنب
اني كل الصوج بيه
واذا متصدكون اسالو
عندي شاهد سألو اديه
حتى هذا الليل يشهد
شكد سهرته وميت اني
وحتى هذا الجمر يشهد
شكد لزمته وماجواني
حتى باب الفرح يشهد
شكد كعدت ابابه اتاني
وهذا كله الاجل عينك حتى ليخلوك مذنب
واني بفراشي واعالج وانت ماتسال عليه
حير بيه الليل كابوس وخناجر
وتارس فراشي حيايه بس انام تهد عليه
واني خواف واريدك
وصي ايدك
وصي ايدك تلزم ايدي
وكله ابد لتعوف اديه
ويامه كتلك حير بيه يامه كتلك
وانت مامهتملي اصلا راح اودع هايهيه
حضرو تابوتي اهلي وما اضن تلحك عليه
ولا اضن تحير بيه
رد مع اقتباس
