حدثني أحد الأصدقاء
بسنه 89 كعدت يمنه عائله موووش منيحه
تجيهم كله سوبرات وجمسيات
بس عدهم بنيه اسمها ليلى غير تكطع وتخبل وكلش حلوووووه
اخوي الجبير لطش الا اشيلهم وكام يتعنتك عليهم ...
كتله خويه يمعود عوفهم مالك شغل بيهم
عاند صار شريف روما ،،ما اطول السالفه عليكم ، ما صبر راح لمديرية الشرطه اشتكى عليهم ،، العقيد مدير المركز دز على مفوض كصيروني لابس زيتوني كله اريدك تطلعهم مصاليخ, بس بالبدايه لازم تتاكد منهم ..المفوض اجه بالليل كال لاخوي اريد الزم كمين فوك السطح اخوي گالي ودي امي لبيت خالي
صار نص الليل صعدت ادور على قاسم مالكيته
نزلت لاخوي كتله صاحبك انقض ع الهدف
كال لعد شحسبالك
ثاني يوم الضحى ، ليش ما تجي سياره وتشيل اخوي الشفيه
امي كامت تصرخ وتبجي
عل صياح امي ،طلعت ليلى فديتها كالتلي انقهرت على امك تعال لخاطرها راح اطلعه
كتلها ليش
گالت مشتكي علينه
منو گلج..؟؟؟؟
كالت المفوض ابو شوارب
كتلها بروح ابوج لاتطلعينه
يولي
گالت ليش ولك
كتلها مو انه گتله خلي العالم تعيش
ع الاقل انشوف وجوه حلوه بالمنطقه
گالت ولك انت صدك سبع
امشي اجر تكسي خلي نطلعه
اجرنه تكسي وطلع بينه لمخابرات الطويسه
طلعت العينتين منومته بالمخابرات
انه ضليت بالسياره وهي نزلت وحدها
عشر دقايق جابته واجت
رجعنه بالتكسي هو كعد كدام
وانه وياها كعدنه وره نضحك
صار بيني وبينها شوي ميانه
وره فتره شفت ليلى ، جان تكلي اخوك كل مايطلع الصبح يسلم عليه يكلي صباح الخير ست ليلى
خطيه سحلت كرامته سحل
فاتت سنين وسقط النظام هسه هو زلمه چبير وخير ويلبس عكال، گل مااشوفه لابس عگال
اكله صباح الخير ست
تتذكر لو نسيت ابو عگال لو مخليك خايس بالسجن جان هسه موتستلم حقوق سجين سياسي.
رد مع اقتباس
المشاركة الأصلية كتبت بواسطة ȺӀì βąҍӀì
فعلا...
