هنا

[فقار الكرخي]

طبعا شفت واحد معلق عالفيس
بالصفحة مال درر العراق
يكول سامر انسان بسيط وطيب من خلال
ردودة عرفتة حباب وكان بودي اسألة
كم سؤال
هو طبعا يدخل زائر بس بالاصل هو عضو هنا
كتلة تكدر تدخل وتوجه اي سؤال ماطولة على كرسي الاعتراف
كال اتمنى
بس قبل فترة صارتلي مشكلة مع احد النواب
وغادرت بغير رجعة

السؤال

انت نوابك هم اتابعهم لو مغمض تمشي وراهم
هم تنبهم . توبخهم
لو ذولة ميغلطون ابد

[Samer]

هل يمر على بالك في يوم تنشر صورك لللانتخابات .يعني تدخل بالانتخابات ان شاءالله
...............
حيدر العبادي لاحظ ولابخت كان مصلح تبريد في نيويورك
والزرفي سايق تكسي بشيكاغو
والكاظمي كان يناوش ابوه مشلتت براغي لان ابوه مصلح حنفيات(بوريات مال ماي)
وانت الراقي اللي تعادل عالم ذري كاعد بالبيت لعن الله الطائفية وداعمها حرمونا من الزينين

هههههه تسلملي والله وشكرا على الثناء .... اكيد اجه ببالي ادخل عالم السياسة .... روجت للتحالف المدني الديمقراطي بـ 2014، وسويت مشروع دستور العراق العراق الجديد واعديت مسودة لهذا الغرض وجمعت 20 الف متابع عل فيس بوك وما كملت الموضوع، .. واخر شي جنت ناشط بتشرين .. وبعدها تعرضت إلى ظروف بطلت بيها من كلشي وفعلت بعدها وضع الصامت.

ابد ما اجه ببالي اعلق صوري على الاعمدة والجسور واجبر الناس تشوف شكولي لمدة شهر .. واضطر ادخل عالم من التملق علمود احصل (كرسي) بالطريقة المعتادة، وأنه اخفض جناحي لمتنفذين اخرين علمود يقبلون بيه مثلا كمرشح .. لا ما تسمحلي نفسيتي اسوي هيج.

بعدين اقتنعت انه السياسيين هم انعكاس لما موجود بالمجتمع، اذا تريد السياسيين زينين .. لازم المجتمع يكون زين ..والمجتمع يكون مثل ما نتمنى بطريقة وحدة، يسموها الازاحة الجيلية، لازم الجيل القديم (جيلي واكبر) يختفي مع الزمن، يالة الامور تتغير نحو الاحسن، عملية تغيير بطيئة للأسف، بس تصوري بالنهاية تصير.

شنو رأيك بطريقة المرأة وراء الرجل بالشرق
(وليدي فرست) بالغرب
منو الافضل ومنو الصح ..
ولماذا احدهم افضل من الاخرى .
ممكن شرح بسيط .؟

المرأة وراء الرجل حتى بالغرب وفي كل العالم على مدى التاريخ لأسباب تتعلق بطبيعة المرأة والرجل .. سالفة (ليدي فرست) صارت بالغرب يجوز بالـ ثمانينات فصاعدا، بعد تطور النظام الديمقراطية ونضوج الفكر الانساني الميال لاعطاء المزيد من الحقوق للبشر

بس هل طريقة الغرب الحالية كلها صحيحة ؟ اتصور اكو نوع من التطرف بهذا المجال عند (اليساريين) .. بالنسبة الي نعم افضل اكون في مجتمع تكون المرأة على قدم المساواة مع الرجل في الحقوق والفرص والصلاحيات

للاسف صار عندي شغل ولازم اطلع وارجع متأخر ان شاءالله
الاستاذ والاخ الفاضل سامر
كنت قمة بالروعة والاخلاق وكانت وقفتنا معك جدا قصيرة ياللاسف ولكنها وقفة تاريخية لاتنسى
فلايسعني سوى ان اتمنى لك الخير والدعاء الى الله بالتوفيق
كما اتمنى ان تعاد هذة الجلسة على الكرسي اوفي مكان اخر من صفحات المنتدى
شكرا لك وشكرا للاخت الغالية سوزان لانتدابك على الكرسي وهذة فكرة منها لدعم المنتدى
اذا كنت صائب باختيارك لها كمديرة وكنا محظوظين لانها المسؤولة علينا
تحياتي يارائع
وشكرا لفقار واسئلته

نوررررت .. وتحياتي الك

ولله ارجال خطیه لا رحمه بکلوبکم الف مرة كال انا دخلت العمر و شایب و متعوب
د اتركو اشدعوه جا هیه ولیه

هههههه شفتي بالله .. وعمري .... ها ما راح اكول

اخواني الأعزاء ..

لابُدَ لنا ، ان نَضَع الحروف على النقاط ، ( هسه يجي واحد ويگول ( يابه تره النقاط على الحروف وليسَ العكس ) يا اخي اني اعرف ، بس اني اريد اخلي الحروف على النقاط ، بين قوسين ( ابكيفي ) ، هسه نرجع للموضوع ، الأخ علي الواسطي ، يعتقد بأنني سامر في عضويته الثانيه ، وهو من حقه ان يعتقد ، لأنهُ على مايبدو ، هُنالكَ روابط مُشتركه بيني وبينَ الأخ سامر ، وهذه الروابط قَد تكون مُترابطه ، والترابط ليسَ بالضروره ان يكون ترابطاً وثيقاً ، ولكن الترابط بصوره عامه هو ( تَرابط ) والترابط اخواني الأعزاء ، يختلف اختلافاً كُلياً عن ( الرابط ) لأنَ الرابط باللغه العاميه ، من ادوس عليه ، راح اينقلك الى عالم اخر ، اما بالنسبه الى الترابط ، هو ذلكَ الإرتباط الذي لايرتبط إلا من خلال الإرتباطات التي لاتسمح بالنفوذ إلى ارتباط آخر ، ومن هذه المُعادله ، نستنتج ، بأنَ الترابط هو عباره عن ماء خابط ، والأخ علي الواسطي ، بين قوسين ( متوهم ) بس الخاطر سوزان ، راح اعوفه وما احظره ، اتعرفون ليش ؟ لأنهُ علي الواسطي ابن اولايتي ، ومن احظره احتمال يتمرض مثلي ويصير عنده سرطان بالدم ، بين قوسين ( علاوي چفيني شَرك ، وعوفني ابحالي ) .. ولا تخليني احظرك .. عااااا ..

ههههه نورت وتحياتي الك .. و يارب تكون بالف خير وتخلص من كل سوء ومرض

سؤالي للاستاذ سامر
كان منتدى مكتوم من ارقى المنتديات في وقته
حتى ان شركة ياهوو اشترته واضافته الى موقعها
فصار ياهوو مكتوم
ما فكرت ان يكون درر العراق بنفس المستوى ؟
-----------------------
اشوف اسئلة الاخ علي الواسطي معاك
كلها اسئلة عبارة عن دق ونغز
واكيد هناك سبب
فما هو السبب

فكرت .. عموما استحواذ ياهو على منتدى مو يعني انه المنتدى صار باعلى مستوى .. ولو بالفلوس الموضوع ممتاز
مثل ما اسلفت تمنيت اسوي شي اكبر من اللي موجود.. بس ما باليد حيلة .. و نأمل الافضل دائما
علي الواسطي من قبل اسئلته هذه .. بس كلنا هو مجتمع ديمقراطي .. و علي الواسطي خوش اختبار لجدية هذه الديمقراطية ههه
تحياتي الك اخي الرميثي

[فقار الكرخي]

شنو رأيك تسوي قسم خاص
محد يكدر يشوفة بس سوزان
بي ارقام تليفونات الاعضاء
حتى اذا غاب عضو
مثلا ولد
ادز رقمة لأحد الشباب يخابرة يطمئن عليه
ويشوف شنو سبب غيابة ويحقة عالتواجد
وكذالك البنات

لو هم مالك خلك

[فقار الكرخي]

تكول حاليا ما متواجد
وما اعرف اكثر تفاصيل الاعضاء

اريد اسئلك على عضو قديم

شنو رأيك بالعراب بصراحة
وليش اختفى

[فقار الكرخي]

شنو رأيك بتشرين
وما فعلته بساحة التحرير
من قتل وتعليق الجثث
وقتل المصورين
وسرقة محلات السنك والشورجة
والمقاطع الفديوية التي كانت تنشر لهم
في المطعم التركي من فساد

[فقار الكرخي]

الله يكول كيدهن عظيم
والصراحة من اشوف اللطافة والرقة
والانوثة

عقلي يبدي يشكك واروح بعيد

انت من وجهو نظرك شلون تنظر الهذا الامر

[فقار الكرخي]

عن منو ممكن تعفو

من ظلمك
من خانك او غدرك
من طعنك في ظهرك

[فقار الكرخي]

البارحة ام فهد انطتك عمرها

شنو رأيك بالصار

انكول هاي خطية والدتسوي حرية شخصية
وهو الله اليحاسب


لو انكول

تستاهل القتل احنة مجتمع مسلم
وخاف بناتنه يتعلمن منها ويفسد المجتمع
يقتلوها حتى ميتلوث المجتمع
ونحافظ على بناتنة من هيج نماذج
حتى ما يقلدنها ويصيرن مثلها

[ابن الوطن]

في بداية تأسيس هذا المنتدى كان فيه مجموعة كبيرة من المثقفين واصحاب الاقلام الراقية ومن دول عربية ايضا وفية تنافس راقي وجميل يجعل الجميع حريصا على انتقاء الكلمات والمواضيع الجيدة ولسنوات عديدة حسب تصورك ما هو سبب خروج نسبة كبيرة من هؤلاء الاعضاء القدامى اهو جانب فني او اداري او مشاغل الحياة

[فقار الكرخي]

شنو اكثر شي يستفز سامر