اجن عماتك وجينه نتلگاهن
يم حسين نگعد نبچي وياهن
عماتك يمهدي الشام اذاهن
ما تنانن من ينوخن النوگ
من فوگ طاحن كلهن لفوگ
يا ماي يطفي الگلبه محروگ

طاحن ومحد كلهن اسم الله
كل وحده رادت گبر توصله
ذيچ اعلى الاكبر هاي عبدالله
وذيچ اعلى جسام الجرح صلى


حُـــــــــــــــسين واجـــــــــــــــداه


عماتك اجن والشام اذاهن
عماتك اجن والاه تحديهن
ولا واحد من اخوتهن يتانيهن
محد من اهلهن يسئل شبيهن
محد سئل جيتهن منين
وين الهواشم للحرم وين
ردن وجابن راس الحسين

لا رايه لا لعمايم الخضره
رد الضعن مامش الينتظره
محد لزينبكم يدگ صدره
خضره العمايم كلمن بگبره

حُـــــــــــــــسين واجـــــــــــــــداه

زينب ما مشت يم عون لا جعفر
ذبت روحها اعلى تراب ابو الاكبر
تصب الماي هلبت يوصل المنحر
يحسين يلما شارب الماي
مستحيه زينب منك اهواي
بنتك رقيه ما جت وياي

بنتك بقت بالشام مهضومه
من فرگتك ولصوط مهضومه
موتها راسك شافت رسومه
ليموت فوگك محد يلومه

حُـــــــــــــــسين واجـــــــــــــــداه

زينب من اجت علگبر ما تسئل
تعرف عطر اخوها لهلسبب تندل
دارت عينها وشافت هذاك التل
وتذكرت من هيه فوگاه
وتشوف اخوها الخيل تدناه
من سمعت الصاحو ذبحناه

صاحت على التل زيدت همي
ياريت فوگك ما صعد جدمي
ولا شفت حافر يسحگ ابن امي
ابن امي ابن امي

تدويني