يا لواء الحمد واسمى المراجل
تضحك بوجه الحرايب مقاتل
تبچي بلمحراب حيدر مو صلاة
بينك وبين الله وقت الرسايل
صوته قرآن
وجهه فرقان
علي سلطان شكثر متواضع
الصميده دوم أريدك تعجن ايده
الخبزه ما ضل جايع
حمره اعيونك ليلك ما نايم
من ماعونك ما جاعت وادم
سوه الفقره واحدهم عالم
حيدر واضح برهانه
عنه تسولف بيبانه
ملوك وفقره زوارك املوك وفقره
أشهدُ أن علياً ولي الله
بعالمي لوحة الكوكب الباري خلاه
من گد معزته تروح يم الله تلگاه
نزلت رساله من الله بلغ يگول
من كُنتُ مولاه فعلي اليوم مولاه
كلشي بيده واليريده
الله شاف بحيدر
من اصياره
الله حدد يا مُحمد
غيره ماكو بس علي وفقاره
شيل اچفوفه علناس اتنصبه
مو من واحد مرشح من ربه
خوف العدهم ما شايل گلبه
يلوگ الحيدر تعيينه
ناطق بسم الله مودينه
التاج براسه ويستاهل التاج براسه
أشهدُ أن علياً ولي الله
العنده علم من الكتاب تشوفه
درس جامعة العلم بالكوفه
يعني مو بس أصف استاذ علي
علي سوت أنبياء اچفوفه
الكُل يأمن الإنس والجن
علي المؤمن لازم اتسمونه
من حقي اگوله الوحده دوله
علي الاوله بكلهن اتخلونه
اول حاكم قدم مالاته
يملك بيته وبطرگ اعباته
تغلي الدنيا بس معلوماته
طلگها الدنيا والبيها
ياهو الگبله مسويها
والرايه والرأيه ما تلتف بيده والرايه
أشهدُ أن علياً ولي الله
كلها ميته يا علي
وبس انت حي
الواضح القهار
الما عنده غي
قال كل الشيء
يعني انت اكيد
واليكرهك يا علي
ما يسوه شيء
كلها تزغر
واسمه يكبر
واليبگر خل يراجع روحه
فاهي شكله الما نقبله
ياهو مثله كله حب وملوحه
الراد امچانه والراد ينوبه
كون بعمره وقالع چرچوبه
مو بالعركه گباله يذب ثوبه
حيدر لو سل بتاره
يبلع وادم فقاره
من الله مأيد فقاره من الله مأيد
تدويني
رد مع اقتباس