قصيدة رثاء
أبجن يا سود العيون على ابوي الراح
تركنا مثل الشجر يلعب بينا الهوى السفاح
شلون اصبر وانام الليل وشلون ارتاح
يا بويه العمر من بعدك بيت بليه مفتاح
تعالن يا خواتي وانته يا اخوي الملاح
خلينا نسوي العزا بكل ضلع نواح
ابويه ابو الطيبه والمحنه علمتنا بالحجي الوضاح
دومك تعلم الناس على الصراحه والعقل مداح
وما علمتنا على الخيانه والغدر والحجي الذباح
تنطي الغريب قبل القريب وتشبع الجوعان لو صاح
شفت ايام صعبه وربحت ورغم الخساره تجينا بسلة التفاح
وهبت حياتك للديانه وصار بيتك مضيف لكل فرد سواح
وبليلة وفاتك شفنا ملاك الموت يحوم بكل متر سراح
ضوه ابيض جان يتحرك مثل النجم عدى وراح
كل اللي راحوا مو مثلك عشت طاهر ومتت طاهر بعطرك الفواح
وعدتك يابويه بالسؤال عن امي وخواتي واخوي الطيب المزاح
قصرنا بحقك وغلطنا بحياتك سامحنا ومنك السماح
ابجن يا عيون السود بكل يوم وكل ساعه على ابوي الراح
البقاء لله
رد مع اقتباس
