إذا عقلي تعب وانمحت ذاكرته
كلها تروح من بالي وتضل أنتَ
وكلها تصير ذكرى يطولها النسيان
انت الغايب الچنة الصبح شفتة
وانت لورحت كلمن لبيته يروح
وأنت المن تجي يگولون اجه بوكتة
حبك كبر لكن لا عقل لا هاد
مستغرب لروحي شلون شايلتة
ويسئلوني عليك شعجب فضلتة
كلتلهم هو اختنك لو عفته
كلتلهم قدر مكتوب إني اهواه
الله مسجلة بأسمي ابطن والدته
كلتلهم ترى مو بالسهل جبتة
علموده البشر والدهر حاربته
بعد روحي وبعد گلبي وبعد دگته
ونظر عيني وكلام اهواي ما گلتة
يحيى العلاق
رد مع اقتباس
