سؤال حول الديچ
السلام عليكم دررنا الغالين
جمعة مباركة عليكم
عندي فد موضوع الصراحة متعبني كلش
وحبيت اخذ نصايحكم بلكت استفاد منها
اني لازم يومية اكعد الصبح ساعة ٧
والموبايل مالتي اوقتة واكعد
بس اكثر الاحيان اسوي صامت لأن تجيني
اشعارات ورسايل وتكعدني بنص الليل
وكمت اكعد متأخر
وهذا الشي اثر سلبا على وضعي .
دخلت على كوكل حتى استلهم افكار
وبلكت احل هاي المشكلة
لكيت اكثر الناس تنصح ب الديچ
الديج بركة بالبيت
وهم يكعدك من الصبح
كلت يا الله ورحت السوك الغزل
جبتلي ديج واجيت
اول يومين الحيوان مستغرب
ثاني يوم كام يعوعي
بس شنو بي شغلة خبلتني
حتى المطيرجية عجزو عن حلها
الديج يبدي يعوعي ساعة ٣ الفجر
لحد ال٦ ويسكت
السؤال
هذا شلون اخلي يعوعي ساعة ٧ الصبح
حتى استفاد منه
كلشي سويتلة ومافاد بي
حطيتة بقفص وغطيتة بالبطانية
بلكت يفتر عندة الديلكو
مفاد
جبتلة بزونة خرعتة بيها مفاد
انوب كام يعاند
يعني مشايف هيج ديج كلاوجي
العندة فد طريقة يفيدني بيها
اكون ممنون منه
قبل ما ابيعة حرامات حلو خوش ديج
لو اسوي تشريبة
رد مع اقتباس
المشاركة الأصلية كتبت بواسطة علي الواسطي
