هنا

[أنثى حائرة]

مرحبا بنات اريد نصيحتكم اني طالبه كلية بعدني ممزوجه تعرف ع شخص ويايه بالكليه خوش ولد ومرتب صار سنه مع بعض بس هو موليد 2002 واني 1999 اكبر منه مع الايام حسيت تفكيره يختلف عن تفكيري منشوراته ستورياته مال مراهقين اني علقيتي تختلف مثقفه وفاهمه وماره بكل ظروف الحياة وهو صح اخلاق وحريص عليه ومرتب بس اتكشفت ظروفه ماديه مو زينه وعاشين بالريف اني بنت ولايه واهله من نوع معقدين اني اهلي هم ظروف تعبانه ومحرومه من اهواي شغلات بسبب مادة اني مااريد اطلع من حرمات وضيم اعيش بحرمان وضيم حسيته مايسعدني ويبلي متطلبات الحياة اريد طريقه ابتعد عنه بدون مااجرحه كلبي ينكسر عليه لان متعلق بيه ويحبني انطوني طريقه ابتعد عنه بدون مااشيل ذنب

[dr.Nafes]

أهلاً حبيبتي ..هو العمر مجرد رقم ..بس اذا أنتِ ماعندج مشاعر تجاهه وتعرفين بنفسچ متگدرين تعيشين بظروف نفس ظروف أهلچ لتجبرين نفسچ عسى ولعل تلگين الشخص المناسب ألچ ولتفكرين انو اني لازم اتزوج حتى أطلع من بيت أهلي هيچ راح تسحبين الطاقه السلبيه وطاقة الرجال الي وضعهم المادي تعبان لتفكرين بالزواج فكري شلون تبنين مستقبل لنفسچ وتكونين مرتاحه بيه وصدگي هو يجي وحده كملي دراستج وعوفچ من هاي الأمور الي كاتبه ربچ راح يصير

[تاليا♪]

برأيي كوني صريحة ويا وبالاخير مهما كانت الحقيقة مؤلمة أفضل من التزييف والتزويق واجهي بكل هذا الكلام واطلبي منه أنه تنتهي العلاقة وكوني مصرة على قرارج
وبالتوفيق

[NAZ‌]

ليش علقتيه من البداية!

[مؤرفين 'ۦ ']

لا تفكيره ولا ثقافه ولا بطيخ السالفه انتي انسانه ماديه وشفتي غير متمكن..

[ذهب]

عبالج من تنفصلين منه راح تحصلين شخص حالة المادية زينه

ترى السالفة مو هذا اللي تشوفينه بالناس أنوا حالتهم فقره ترى السالفة داخلية بحته
يعني انتي من الداخل تحسين بالفقر والعوز
وهذا الولد صار انعكاس للفقر والعوز اللي بداخلج
اذا ما تغيرتي من الداخل كل الأشخاص اللي راح يظهرون بحياتج هم نفس الحالة المادية
قال تعالى
إن الله لا يغير ما بقوم حتى يغيروا ما بأنفسهم
مجرد ما تتغيرين من وعي الفقر اللي عايشته
راح تتغير الظروف وتتغير الاوضاع
ويتغير حتى الولد او اذا تغيرت طاقتج وهو مو من مستوى طاقتج تلقائيا راح يروح بدون اي تدخل منج


اتأكدي أنوا هذا الشخص هو انسب شخص الج بهذا وضعج وهاي طاقتج
لا تعبين نفسج وتلفين ودورين