هنا

[رمـْـْْـْــــــــآڊ]

[علي الواسطي]

اني مااحب المواضيع النقاشية لأن مابيه نتيجة

اني عندي رأي ومتمسك بي

وغيري عنده رأي ومتمسك بي

ومحد يفرض رأيه عالثاني بعد عليمن دنتناقش


لكن يجب ان نكون منصفين ولا نعمم من خلال تصرف شخصي واحد مقابل الملايين

[ابن الوطن]

يقول عالم الاجتماع العراقي الاستاذ علي الوردي في كتابه "مهزلة العقل البشري":

"إن الذي لا يفارق بيئته التي نشأ فيها ولا يقرأ غير الكتب التي تدعم معتقداته الموروثة و يركز فقط على ثقافة بلده، فلا ننتظر منه أن يكون محايداََ في الحكم على الأمور بل توقع منه العنصرية الشديدة والتعصب لبلده و فكره"
ولكن هناك موضوع حدث بالزيارة داخلي لا يخص دولة اخرى بل يخص بلدكم اكبر من تنزيل العلم ومن يحب الحسين يرفع رايته ليتكم تناقشوه بكل شجاعة ووطنية

[رمـْـْْـْــــــــآڊ]

موضوع العلم الغرض منه غير سياسي و انما تعريفي موجود حتى في العمرة والحج ... ان كان فعلًا حدث هذه الشي فهو نوع من الطائفية القومية و مثل هذه الامور موجودة و مطبقة في الفنادق الدولية و هي انه يرفعون علم البلد الذي يدل على السائح و كذلك في الاجتماعات يرفعون علم يدل على بلد المجتمعون فلا يوجد اي مسوغ اخلاقي او قانوني يمنع ذالك تصرف ينم عن جهل وعدم الاحترام

عندما ننظر للامور من جانب واحد اكيد نميل للعمل الشخصي والي ما اله علاقة بقانون الدولة وتنظيم السياحة الدينية
النظرة من عين واحدة سبب هذا التساؤل

[رمـْـْْـْــــــــآڊ]

بالنسبة للاخ رماد وعلي الواسطي اللي اقتبسوا ردي
كـ رد أخير بالموضوع أحب اكللهم على مدى زيارتين متتالية لأيران شفت أنه أغلب الشعب الايراني وقت تكول انك عراقي يكلك العراق تابع لأيران يابة ليش؟! مو أيران حررت العراق العراق من داعش... لعد و ولد الخايبة اللي استشهدوا بالالاف شنو دمهم مي ؟!
وحتى وقت تروح لكربلاء تزور تشوف الايرانيين ماينطوم مجال تزور ومن تكله يكلك أمام حسين مالنا
وفي أحدى المرات سمعتها من أصحاب المحلات بالحرف الواحد" العراق مستعمرة تابعة لجمهورية أيران"
قما اعتقد شخص يسمع كل هالكلام عن بلده ويبقي علم هاي الدولة مرفوع بأكثر محفل عالمي بالنسبة للعراق وعاشت ايد اللي نزل أعلامهم وياريت لو نكون حريصين على انه العراق وبلد حر وماتنرفع اي راية ثانية أخرى غير راية العراق سواء أيران او غيرها
والسلام

والعباس ابو فاضل ما احب السياسة الايرانية ولا راح اتوافق وياها لا جسديا ولا منطقيا بس شفت حالة شاذة تمس شعب لان العلم يمثل الشعب مو الحكومة
وعلى هل اساس طرحته للنقاش ليش بس هل علم يتنزل

[رمـْـْْـْــــــــآڊ]

يقول عالم الاجتماع العراقي الاستاذ علي الوردي في كتابه "مهزلة العقل البشري":

"إن الذي لا يفارق بيئته التي نشأ فيها ولا يقرأ غير الكتب التي تدعم معتقداته الموروثة و يركز فقط على ثقافة بلده، فلا ننتظر منه أن يكون محايداََ في الحكم على الأمور بل توقع منه العنصرية الشديدة والتعصب لبلده و فكره"
ولكن هناك موضوع حدث بالزيارة داخلي لا يخص دولة اخرى بل يخص بلدكم اكبر من تنزيل العلم ومن يحب الحسين يرفع رايته ليتكم تناقشوه بكل شجاعة ووطنية

الراية الحسينية لا نختلف عليها
واكيد اخوتنا الايرانيين يقدسوها
والله يحفظ الجميع ويرجعون بسلامة

[Haidar Iraq]

اي عضو اينزل موضوع بالنقاشات ..
خليه يحفظ هذه الكلمات ..


مَره واحد ..
كتب موضوع ابنقاش ..
وراد يقنع للمُقابل ..
بس تَعب حَصَل بلاش ..

تحياتي للجميع ..

[ابن الوطن]

الراية الحسينية لا نختلف عليها
واكيد اخوتنا الايرانيين يقدسوها
والله يحفظ الجميع ويرجعون بسلامة

لم تكمل محتوبات التعليق صديقي

[ايليتا]

ملاحظة يمكن مو الجميع انتبه لها... شفت موكب لصينين لابسين درع لحمايتهم و يوزعون ثواب.. من شفت الإيرانيين ماشين ياكلون يشربون وينامون آمنين في دولة دام عداءهم بينها لمدة ثمانية سنوات وسقط من الجهتين عدد لايحصى من الشهداء.. انما يدل على أنهم يجدون طمأنينة في بلادنا بعيدا عن السياسة فحب اهل البيت عليهم السلام وخاصة معركة كربلاء توحد الصفوف مهما حاولت جميع الاطراف تغيير هذا الوعي.. انا أفخر بالعراق لانه رغم جراحه يضم إلى ذراعيه الجميع بكل أبويه.. أما عن حالات التي تظهر لبعض من يريد تشويه العزاء الحسيني فهذا مجرد هواء في شبك والناس أصبحت أكثر وعي والزوار أيضا أكثر حرص من ذي قبل.. اعان الله جميع القائمين على هذا المصاب الجليل واحياءه كما يليق بسمو اصحابه.. تقبل الله منا ومنكم صالح الاعمال وعظم الله اجركم

[مہحہمہؤُد آلَعہرآقہي]

تصرف خطأ لانه كل الزائرين يحملون أعلام بلدانهم
الكويت يحملون علم دولتهم والصين والهند وجميع الدول فهذه التصرفات لإثارة الفتن فقط لأنه الحسين فكر ومنهج للعالم أجمع ليس لدولة معينة أو جهة أخرى.