بعد لا تنشد شلوني
انا الماضل .. حزن
ما مَر على عيُوني
بعد لا تنشد شلوني
انا الماضل .. حزن
ما مَر على عيُوني
المشكلة بتالي العمر تنجرح ماتشتكي..
اتحسها على روحك زحمة
الدنيا وكحه ودوم ما حبت الزين
تفرش حضنها فراش
لليحجي وجهين
مختنگ والروح مشدودة بحبال
أشبه الغرگان وجروفك هواي
ساعة روحي تروح وتمرك خيال
روح أخذ الروح فرفحهة بجفاي
****
روح اخذ الروح رافجهة بجنون
وامرگ احزاني عليهة ولا تضيع
يا طعم وحشة ليالي شما تبين
يا شفيع بكل زمن ماله شفيع
يبجي تموز لعشكنة بلا عيون
وحنة لمن نلتقي خضّر ربيع
وتنبت البسمة بوجه وادي جبال
وتمطر اشعار و قصايد كل سماي
يا حسافة تضيع بقواسج نبال
مو بقوس العين صاير لي فناي
***
مو بقوس العين وك شفت العجيب
درة مكنونة ببطن هندس سواد
و الشمس هم فضة واعليهة تذوب
وطاف بيهة الماس وتوذر رماد
والحصاد يصول بيهة و لا رقيب
ونبت الحنطة الولا لفهة بضماد
ويربط المنجل بمنجل جن هلال
واحد اتجيسة الظنون وهم دعاي
واحد يبين بهرب نجمة شمال
وبرمش عينه يضيعن كل خطاي
***
كل خطاي تضيع من ترمش اكيد
روجة ويطگهة الجرف صدك تموت
وانا احبك وانا بعيونك زهيد
الوقوف بحضرت عيونك قنوت
يا غزال وشزرت اعيونك تصيد
وانا هزبر لكن بعينه انتهيت
وك يخنياب الكسر سدي تعال
وروح اخذ الروح غركها بدماي
(مقتدى الأعرابي)
مرات اجيك بلا وعي
عقلي من اذكرك موش الي
يـلعايش بصف النفس
نارك ولا جنة هلي
حرامات التعب للمايجازيك
وحرمات الوفه للطبعه خوان
جرحك بالملح تكدر تداويه
ويزيدك عطش لو جنت عطشان
شما تتعب على العكرب تربيه
يلدغك لو جنت لحظه غفلان
تترجه الوفه أي وين تلكيه
وتتأمل تمر من جذع ذبلان
اسرح بالغنـم حتى اگدر انساك
اباوع عالطلي واتذگر عيونك
معقولة انتهينا وماضي راح نصير
و معقوله بصوركم نبقى نتذكر
ماردنا العتب عالقسمه والمكتوب
بس ردنا الوداع شويه يتأخـر
بطرانة الشمس
تچويني كل يوم
واني حرورتي
تچوي التنانير
هو العاش عمره
بضيم وهموم
عنده الموت
تسيورة خطاطير
اباوعلك غفل واندار من تندار
خاطر ماتكول بدوني مايكـدر
رد مع اقتباس