ستمنحك الحياة كل شيء
ومع ذلك ستشعر أن هناك شيئًا ينقصك وتبقى تسأل نفسك دائمًا
ما هو؟!
ستمنحك الحياة كل شيء
ومع ذلك ستشعر أن هناك شيئًا ينقصك وتبقى تسأل نفسك دائمًا
ما هو؟!
محرم فؤاد اكثر انسان دلل نفسه
گولوا اشلون.
اول زوجة اله هي تحية كاريوكا
الي كانت في عز نجوميتها
وتشبه الكاهي بالگيمر
طلگها واتزوج وحده لبنانية اسمها ماجده بيضون وهاي كانت ملكة جمال لبنان بعدين اتزوج
ميرفت امين اول وگعتها بالسوك
الي كانت تشبه الزلابية
طلگها واتزوج صباح
صبوحه الكروانه الشحرورة
قطعة الحرير و النعومة
بس مع هذا ما توقفت المسيرة النضالية لهذا البطل ..طلگها واتزوج سهير رمزي رمز الانوثة والجمال
والدسومه الي تشبه زند قوزي هرفي على التمن
گولوا بطّل ابدا .. لا رجع للبنان واتعرف على وحده اسمها
جورجينا رزق الي كانت أستوها فايزة بلقب ملكة جمال الكون وغنالها (داري جمالك... دي العيون بصاصه ...داري جمالك دي الرجال قناصة) وهي تتمركص كباله
ولك يا استاذ محرم وين اكو قناص احسن منك بالعالم كله
زين بهيج حالة المفروض يگول يالله كافي ...اني حزت على الوحش وبطل الجمال كله
لكن البطل ابدا لم يوقف مسيرته الظافرة
ترك الجمال اللبناني الفينيقي
واتجه للفرعونية ملكة الرقص الشعبي عايدة رياض اول بداية طريقها كانت تشبه الحلقومة
اتزوجها وطلگها وورى فترة
گال لنفسه يالله حسن الختام
بس يا ختام يا احلام
وهو يمشي اتعثر بمذيعة حلوه اسمها منى هلال واتزوجها
ولو ما يد القدر التي خطفته
عام ٢٠٠٢ وملحك على ياسمين صبري كان ممكن يضمها لالبومه
بس يا اخي احسه عاش حياته
ويه كل حوريات الدنيا .. هههههه
التعديل الأخير تم بواسطة عابرُ المعنى ; 28/September/2025 الساعة 7:38 am
خليني جنبك خليني في حضن قلبك خليني
خليني جنبك خليني في حضن قلبك خليني
وسيبني احلم سيبني وسيبني احلم سيبني
يا ريت زماني يا ريت زماني يا ريت زماني
ما يصحينيش ما يصحينيش ما يصحينيش
https://www.facebook.com/share/v/16za285EZT/
خير الكلام ما قل ودل
والله زلمه گلف
في بعض مراحل البشر التي عاشها هي عبارة عن قصص او لحظات تعايش معها ..
بالنسبة الي هواي قصص عشتها فيها الجميل .. المضحك .. المحزن
وحدة منهن تقريبا قبل ١٠ سنوات
اجاني صديقي كلي اكو تقديم على تعيينات بوحدة من الدوائر الحكومية .. رحنا سوه ولكيت الدائرة عبارة عن ملعب غاط بالبنات والشباب
سالتهم شلون التقديم كالوا تملي استمارة تاخذها من بنية هناك تبيع الاستمارات .. رحنا عليها كتلها بلا زحمه اريد استمارتبن رفعت راسها چان تبتسم . اقسم بالله اول ما شفت وجهها حسيت بالهدوء الداخلي والسكينة هي البنية حلوة .. بس اتكلم عن وجهها هادئ لدرجة تشعر ان الحياة حلوة ويرتاح داخلك
وكتها ما همني التعيين ولا الاستمارة
همني شلون اضل واكف واشبع من هالهدوء الي يشع من وجهها .. اخذت الاستمارة همه وكتها طالبين للتعين 100 شخص والي موجودين فوك 400 ..رحت عليها كمت ادور اعذار بس حتى اشوف وجهها .. لكيتها عصبية لان ضوجوها كل شوي يسئلوها .. كلت هسه تدوس بيه
من شافتني ابتسمت مرة ثانية .. واني صافن بوجهها چان تكلي اتفضل كتلها نصيحة منج اكو امل نتعين كالت عندك واسطة كتلها لا .. كالت جيب الاستمارتين ورجعتلي الفلوس .. ورحنا اني وصديقي ورا فترة سألته تذكر البنية الي انطتنه الاستمارات . كال اي سمعت تشتغل بمكتب استنساخ .. ثاني يوم كل مكاتب الاستنساخ فريته
مكتب مكتب حتى تكطعت رجليه
وما لكيته
جنت بوكتها محتاج جرعة هدوء
من وجهها .. بس ليش جانت تبتسم من تشوفني حتى وهي عصبية.. يمكن هي هم جانت تشعر بالهدوء
من شافتني
. والله بنية ما شايف بكل حياتي مثلها .. لهسه ملامحها مطبوعه برأسي
هواي امور مرت بحياتي منها الحلو ومنها المر .. كل ما اريد اكتبها هنا
يوكفني شيء واحد
( ما بيه حيل اكتب )
هواي تعرفت على اصدقاء بالنت
من جميع الدول العربية
( تونس . الاردن . لبنان . المغرب . فلسطين . السعودية . البحرين . مصر. سوريا )
بس اكثرهم كانت بنات وصديقات مو حبيبات
لسبب واحد طبيعة البنت تكون عاطفية وتستمع الك بكل جوارحها عكس الشباب ما عنده خلك يستمع لخرابيطك
اكثر اصدقاء حسيت بالعاطفة تجاههم وكانوا قريبين من قلبي
من بلدان ( الاردن والسعودية والبحرين)
