هنا

[أنثى حائرة]

سلام
اني من الناس اللي ما تثق بسوالف السحر والعين بشكل كبير
بس اليوم صارت سالفه ما اعرف شلون افسرهه
اجتنه عمتي هي وبنته
اني طبعا ما طلعت اسلم عليه لان قبل فتره صارت مناسبه وهي بدل ما تجي وتبارك تكول ليش سويتوه بهذا الوقت !
فشنو
اليوم أني بالمطبخ أثناء ما هي عدنه أجت اختي رادت تضيفهم چان تطلع صحونه جدد قبل فتره اشترتهم جان يطيحون الصحون ويتكسرن وما طاحن من ايده طاحن بشكل غريب
فعادي
من طلعت عمتي عندي اخوي كلش احبه تعاركت وياهه عركه كلش قويه ومو طبيعيه يعني ما اعتقد راح نتحاجه بعده لفتره طويله
فعادي
امي تدخل المطبخ وچان عدنه صحن كلش چبير نسمي بلم وچان يطيح بحده وينكسر

يعني معقوله ماكو شي
!
استغفر الله إذا كنت أخذ غيبته بس محد دخل لبيتنه غيره اليوم والأحداث بدت أثناء وجوده وخروجه
معقوله إني م اوڤره الموضوع

[مہحہمہؤُد آلَعہرآقہي]

العين تكتل وخصوصاً الكرايب والحسد موجود بكل مكان

[عبير الياسمين]

اي اكو حسد , ابدا لا تتفاخرين قدامهة بأي شيء لا غرض جديد اشتريتي ولا اي امر ثاني , وحتى لو كنتي كلش سعيدة ويا زوجك لا تبينين ها الشي لا الهم ولا لأي احد, دائما كوني كتومة وياهم , واول ما يجون عندك ضلي اقري المعوذتين (سورتا الفلق والناس) الظاهر هذولة عينهم حارة .الله يحفضك من الحسد

[المستشار القانوني]

الحسد ذكر بالقرآن الكريم
..(.. ومن شر حاسد أذا حسد).
فمسألة طبيعية ...الله يعوضكم..

[آيمـيلُِـي ♪]

اسكتي وخليها

بعض نسوان العمومه والعمات كارثه

ذكرتيني بسالفه يمكن انتم انكسر عدكم كزاز
احنا انكسر عدنا حديد

[وَتِــيـن ﮩ]

والله صراحة احس ايدج رخوة ع گولة امي

شوفي اني دااكسر مواعين ف راح اخذها حجة اني محسودة علمود متحجي

خوش فكرة

[Sωeeτ]

راح الشر حبي
بالحديد ولا بالعزيز
نفسه الي عندي عيونهم حارة حتى حديد تكسره