ابوذيات منوعة 2
عجيبه اشكد الك قصه.والك روح
احبك حتى لو تكلي..والك روح
تدري انت شنو بجسمي..والك روح
اروح شلون وانت الروح بيه
وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه
احبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن عليه
شفت بالطيف شخصك سالماني
همت ودموع عيني سالماني
علي تسأل يغالي سالم اني
عدل بس شوفتك شحت عليه
تره الواشي عرف سرنه وشاعه
وابد لتظن حبي جذب واشاعه
انه لكلبي خذت صوره واشاعه
طلع مكتوب احبك للمنيه
العشك يكتل ياصاحب وانته داري
هاك الكلب يمك وانته داري
انته اهلي وعمامي وانته داري
وانته امي وابوي وخال اليه
رد مع اقتباس