امرأة العقرب
امرأة العقرب من تحچي:
«عادي»
أنت لازم تراجع آخر 6 أشهر من حياتك
«ماكو شي»
يعني:
أكو شي… بس بعدين تعرف شنو هو
عقلها شلون يشتغل؟
مو عقل… غرفة تحقيق
تجمع
تربط
تحلل
وتطلع حكم نهائي
وأنت بعدك تفكر: شنو صار؟
إذا استفزيتها
ما تكلك:
«ليش هيچ سويت؟»
تسوي:
ابتسامة
صمت
تغيير نبرة
وبعد أسبوع:
موقف يخليك تكول: «هاااا، يمكن هاي بسبب ذيج السالفة؟»
الغضب
امرأة العقرب ما تعصب قدّامك
تعصب بالداخل
وتكول:
«خلّيها…»
وهاي الـ «خلّيها»
أخطر من ألف صراخ.
الاختفاء
فجأة:
تقل سوالف
تقل ضحكة
تقل اهتمام
مو لأن مشغولة
لا…
سوت لك أرشفة
إذا اعتبرتك منها
تحارب عنك
تبرر لك
تسترك
وتگلك: «هو غلطان بس مو قصده»
إذا شالتك من بالها
ما تسبك
ما تحچي عنك
ما تذكر اسمك
تعاملك مثل:
رقم قديم بالجوال… موجود بس ما ينطلب
الخلاصة
امرأة العقرب:
مؤدبة
بس تأدّبك بأدب
مو انتقامية
بس تعليمية
مو باردة
بس حرارتها داخلية
وياها لا تلعب ذكاء
لأنك راح تطلع
طالب راسب بمادة اسمها: فهم العقرب
المشاركة الأصلية كتبت بواسطة المحظوظه
