قصيدة : ما ماتت من مرض
الشاعر : احمد الهلباوي
الرادود : ذو الفقار الكعبي
ـــــــــــــــــ ـــــــــــــــــ ـــــــــــــــــ
انعاك اول جرح ياباب الدار
واتحسس باللطم هضم الكرار
واقراك اول حزن .. فك باب الاه
اجه وجاب الويلاه .. وخذه الزهراء وياه
انعاك القدر البيه ضلع انكسر
وبچى ابن الحسن عالماتت قهر .. مهضومه
عنواني .. الباكي اعلى الضلع عنواني
عنواني .. للثار انتظر وامتاني
عنواني .. كل مجلس عزاء تلگاني .. يازهراء
يبقى النداء يا فاطمه
وكل العزاء لحامي الحمه
==================
اتغذيت الحب حزن والهم تلقين
اليوم وباچر وامس زهراء الدين
متبري من الصنم .. والجاب النار
على باب اشرف دار .. حرگ گلب الكرار
وما اعوف اللعن عالگايل وأن
وخله ام الحسن مهضومه وتوّن .. مهضومه
ما اعوفه .. لطمي اعلى الضلع ما اعوفه
ما اعوفه .. هضم المندفن بالكوفه
ما اعوفه .. وگلبي ايوّن وحيد ايشوفه .. يازهراء
هذا البكاء لحن السماء
وكل العزاء لحامي الحمه
===================
مدفون ابفطرتي الظلع المكسور
وابچي ابدمع الهضم لأم المنحور
واليكسر كل شهم .. ظلم وتوهين
مره هيه اصل الدين .. گضت دون العشرين
مهضوم الورد وگلبي منمرد
ام اثمنطعش واتنام ابلحد .. مقهوره
ربيته .. جرحي اعلى اللطم ربيته
وشديته .. الحيل بأم الحسن شديته
وانطيته .. للعزاء عمري كله انطيته .. يازهراء
بدء الرثاء والخاتمه
وكل العزاء لحامي الحمه
==================
ما ماتت من مرض عدنه الأسباب
زهراء ماتت غدر من عصرة باب
اليتكسر بيه ضلع .. لا هو المذبوح
ولا بي حيل اينوح .. يوّن وإتشوغ الروح
أبدار اعظم ولي الزهراء تنولي
ودمعتها تصيح يا غربة علي
تاليها .. النار ال بالجذع تاليها
تاليها .. راحت للخيم والبيها
تاليها .. چفوف ام الخدر تاذيها .. يازهراء
وجرى القضاء نار وضمه
وكل العزاء لحامي الحمه
رد مع اقتباس
