(﷽)
قصيدة : يالولد يبني متت
للشاعر : احمد الذهبي
: وفاة ام البنين (ع)
:ليلة 18 جمادى الأخره 1446
: حسينية ومؤسسة مالك الأشتر - ميسان
طور : #يالنويت_على_الهجر
يالولد يبني متت .. وانته مو حاضر چنت
أعتذر لو قصرت .. يا حسين
من طف كربله الحد موتي اتوجع
امن اتأملت ترجع أدري ما ترجع
من گالوا احسينج عالثره امگطع
من المفروض روحي من الخبر تطلع
من إجه الناعي بشر .. من سحگ صدرك بشر
من على وجهك طحت .. يا حسين
ذكرتك يبني وآنا بآخر أنفاسي
ما ينسي المثلك يا بعد ناسي
يالمگطوع راسك هاك اخذ راسي
وإخذ اثلث ولد واچفوف عباسي
فدوه إلك ماي النهر .. والگمر وأم الگمر
يمن بعدك ما عشت .. يا حسين
أمانة فاطمة بعيوني خليتك
يالربتني مدري آنه ربيتك
مو بيدي ورحت للموت خليتك
من حر الشمس ما رحت غطيتك
يالنمت جوّه الشمس .. كسروا اضلوعك رفس
وآني يمك ما رحت .. يا حسين
بالأنفاس الأخيرة ابدعوة متأخرة
توسلت ابعلي وابفاطمة الزهره
كون ابوجه الأبيض تخلص العشرة
وما أطلع چنت وياكم امقصره
يالهلي فدوه الهلك .. العذر لله وإلك
بسمك آني توسلت .. يا حسين
يوليدي الغريب ايثگلن أحزانه
وموت الغربة يبني يريد عوّانه
ملك الموت آنا استقبلته فرحانة
أول خادمة لحسين چنت آنه
حتى موتت خادمك .. ما يصعبها المَلك
موته بيها اتنومست .. يا حسين
متت واتخيلتك من متت وحدك
من جاك الشمر وأخوان ما عندك
يا يمه العطش شمخلي من چبدك
لو رمل الصحاري الياكل ابخدك
ماكو شي منك سلم .. حتى الخيال انهشم
يبني وآنه اتهدمت .. يا حسين
ابوفاتي استقبلتني أمك البضعة
واتشاركنه آنه وياها بالدمعة
آنا الوالدة اللهفانة ومضيعة
اي يم الحسين الهشموا ضلعه
راسي أعلى من السمه .. گاعدة يم فاطمة
بإمك آني اتشرفت .. يا حسين
رد مع اقتباس
