هنا

[ارجع يازمان]

أطول قصيدة بالتاريخ
أكثر من 70 بيت...بدون نقاط ...وبقافيتين// وباسترسال وبدون تكرار!!
قصيده اعجازيه وتاريخيه في تاريخ الشعر الشعبي العراقي والخليجي(حسب ما أظن!! واذا كنت خاطئ بظني! شوفونا من ذاكرة التاريخ ما يضاهي هذه القصيده/
*القصيده*
ما لاحك سهر ,, عالساهَر الطرواك
وراصدها الحسود !! الحاله محسوده!!
,
الكالوا ما دَروا !! مرساها ما رداك!
والروح الصدودك ,, هسه ممروده!
,
طراها الدمع ,,,, والدمع ما طراك!
معدوم الأمل !..والدمعه مكروده!!
,
راح أرسل سلام.. وما أهم لولاك!
وأمال الوَصل!!... ما عدها مَوسوده!
,
مرسال العسل _ صاح الهواك أهواك!
ما راسل مرار !!,, السهره معهوده!
,
راسملك رسم / هاگد حلو المحلاك
واصدار الرسوم,, الحلوه معدوده!
,
(واحد) للسواعد ,,, سَطرالوعداك
(الما واحد كدر) , لمساطر اِردوده!!
,
ودَلاله الكلامك /// عمره ما لاماك!
وكَلك عالملام... إوكوله ما اعوده!
,
وطور الما عدل / موالك وكولاك!
راح الطور أحكمه@ وأمر الكَوده!!
,
ولو عطر الورد .. مو عالورد دلاك!
مارَده الهوه !!.. وهالرَده مردوده!
,
وَسع صَدرك واِسمع صدى الراداك
مو كل كلمه الك مسموعه مكصوده!
,
والماء العَكر ,,, لو عاكس الدلواك!
الدَلو الماصحله ماء امطول اركوده,
,
وما طار الحمام /// وردلك المرساك
الهوى لو سلماه_ المطره مرعوده!
,
ولو راح العدل / مامرلك المسراك
وسواسك السوه.. العدله ملحوده!!
,
وموال المدمرك ..عالوهَم وداك
وطاردلك عرس !!.. ومسكر اطروده!
,
ولو ساسك رمال... وعالعَدم علاك/
دارك على راسك,,, هسه مهدوده!
,
إسمع هالكلام ,,السالك الادراك!
الما كادح الكاعه,, الصَدمه محصوده!
,
ومو كل السهول,, إموطئه المسلاك
ولو كاعك صدرها امورده /صاعوده/
,
صَعدلها السماد ... واصمد الهَماك
لأصرار الصمود ,, الصَعده مسموده/
,
واحلال السدود // إمواصل السكواك
ما صَدر حصاده / الكاطع اسدوده!!
,
المسحاه والمعاول // مَكدد الكاعاك
والكَد اعله كاعه امصعده / مَكدوده
,
ولو هل الحصاد,,, الكَدك ومسعاك
الهمه الحلالك..... هدها حاصوده,
,
وكَادود الكَرم ,,, لو عالأكل لماك!
المَدح مو للأكَل,, اِمدح الكادوده,
,
والكَلك أسراره... وما سرد سراك!
لو سمعوها ! صار أسراره مسروده!!
,
واللوم أول / اِعله السارد الكولاك!
مو عل سامع/ وسرده اعله ساروده!!
,
ولمواصَل أرحامك ,,, أكَد السَواك
ما راد الكَعد... ومواصل إكعوده!!
,
ومعلوم السهر... طَرك ولا داواك!
وما راود احلامه,, السامر اسهوده!
,
وحالك لو مرار,, امصامد الحالاك
الماصد الدمار/// إمكَسِره اصدوده!!
,
الله اعله الهموم / وعالدهر كواك/
ولوما الله ,,,هسه الحسره مهدوده!
,
العادل لو حكم سَر الأهل واِعداك!!
والكل الأوادم ,, رحمه موعوده!
,
وما واحد الدام... إمراحل الدهراك!
مَحمول السؤاله ,, ومأكَل الدوده,,
,
دام امودع ,, وما دام الك وطراك!
رد وعَدك ال الله ,, الرَده مَسعوده!
,
السمل لو (عالحلال) إمكَرم السملاك
ولو مال الحرام (الهدمه) مسروده!!
,
وحاول لا عداوه.. اللامك ورداك!
والما كسر عودك_ اِحرص العوده!!
,
والما صد سهم / مو كصده ما حاماك!
ما لاحه الملام ...الروحه ممدوده!!
,
ولو طك الرصاص... ودَمرالأملاك
إحمد الله... سَلم صحه مرصوده!!
.
إدرع روحك أول.. وأصرع الراماك
واللوح الدروع.... الطَكه مصدوده!
,
هادود السلاح ,,,,,, إمهدد الهداك
ما مَده الصراع ,, الهدله هادوده!
,
ولو صارم عدوك واصل المرعاك
لَمعها الرماح /// اللمعه محدوده/
​,
وطَول عالرمح__ عامودك الرمحاك
مالاح العدو ... الما عَله عاموده!!
,
وما همه الرمه الكاعد وره الأسلاك
وأسهام العِده ///الصداها صادوده!
,
ومو كل السهام/// إمصاعَد الكَدراك
مَكروه السهم / لو طكله مهموده!!!
,
ارحم كل مُطارد ... واصل الحداك
وعارك للدهر,, لو طَره طاروده!
,
والما وصل رده... الردك وسمعاك
مصدوم الكلامه ! ,,امحطمه رادوده!
,
والطارد الراحه ,, وهَمهَم الملكاك!
هَم هِمله الوصاله , وعاود العوده!
,
صاحك عالوَصل , مو عالكِطع صاحاك
السد وصل الوئام ,, اصروحه مسدوده!
,
ومو كلها سوه !! وماكو الكَلك هاك!
وأهل المكرمه.. الهل وَصله معدوده!!
,
الوادم عالدراهم ... مصلحه الوصلاك!
والكلمه الصدك!,, كالسلعه مَكسوده!!
,
صارالك ( وَدود) ومرلك الداراك!
ولأطماعه المَوَدَّه ( هسه) مَولوده!
,
إكرم للكصد دارك.. وِصل مأواك
الطارد دمعه , سوه الرحمه مطروده!
,
المدارس للكرام .. امكمله العلماك!
والدارس درسها ,, ادلاله موكوده!!
,
ومو اِله الطعام .. امعَدد الدعواك!
ما مس الكرم.... لو أكله معصوده!
,
المدح روحه كسرها/ أمكسر اللاكاك!
لو ردد كلامه... وعدد اعدوده!
,
ادرس ما وراك! وصارع اللاواك!
المهره الأصل __ للكَدهه مصعوده!
,
وسَمع للمسامع ,, عِلمك وكَصداك!
والِمكَطِع كلامه ,, الكَطعه مَعموده!!
,
العلا مودك طرح / اعداءك وعلاك
اطرح طولك /الطوله/ وعَله موده!!
,
الصارالك درع/ صَعده على الواساك
ما ساوه الكطعها / الروحه مَعكوده!!
,
والراسل ورد , ولكل أمل عَداك!!!
لو كل العطر .... ما عادَل إوروده..
,
واللمسه العملها ,,الرسمك وحلاك
ما دَك ولا دَ كه,, امسردَه وسوده!
,
والهمسه الهمسها , امهامس الهمساك!
رادك للعمر ... مو راده عالموده!
,
والوارد الك ,, لو عالمَسَه ومَساك!
مساء الروعه كِله.. ومَحله مَوروده!
,
والدَور ودادَك ,,, والصِدك وَداك!
الطول الدهر,, حط روحه مَودوده!
,
وعلحلوه* والمره* اسعَه للسَراك
والما رد وعد !!.. هلهله لوعوده!
,
واحرص عالحرَص لاحساسك وراعاك
والراسل سعاده ..... اسعاله لسعوده.
,
والصَدلك ارماح .. الحدك ومرماك!
ارسل له السلامه..واحرس احدوده!
,
واعمل عالأصول,, اسلامك الوصاك
والسامع الدعوه,, إموصل اعهوده!
,
ولوما عمل صالح / والعدل والاك
الصلاه ما واصله / الكالوها عاموده!
,
عاهد عالعداله ..واعمل العهداك
مرحوم العدول / الطموا إلحوده,,
​,
واحمد الله وحده / السدد السلواك
الرحمه الواسعه ...وألاءه سادوده!!
,
الله الصَورك. واحله الصور. راواك
واعلوم الدهور... الأسمه موحوده!
,
وصلِ اعله الرسول المُرسل ومولاك
ولأل الرسول__ الوَصله محموده
ولأل الرسول__ الوَصله محموده
حسين االساعدي

[ضياء كاظم المياحي]

وفقــــكم_آللــــه

[صقر عراقي]

الحقيقة تقال
هذة القصيدة لاكل واحد يدبرها بهذا الشكل
كلمات شعبية من عمق الحسجة
تسلم يمينك ايها الشاعر المبدع
حسين الساعدي

[ارجع يازمان]

وفقــــكم_آللــــه

الموفقيه للجميع

[ارجع يازمان]

الحقيقة تقال
هذة القصيدة لاكل واحد يدبرها بهذا الشكل
كلمات شعبية من عمق الحسجة
تسلم يمينك ايها الشاعر المبدع
حسين الساعدي

فعلا صدقت بما نطقت
قصيدة ذات معاني وجدانيه راقيه وصعبة جداا
لاكثر من خمسون بيتا وبقافيتين ودون اي تكرار للقوافي وبدون نقاط!
شكرا لذائقتك الابداعيه.. دمت بخير

[ارجع يازمان]

والصدلك ارماح .. الحدك ومرماك!
ارسل له السلامه..واحرس احدوده!