قصيدة : صوت المدامع
للشاعر : ميرزا احمد آل سيف
: ليالي استشهاد امير المؤمنين (ع) 1435 هـ
طور : #بحبك_جنينه

صوت المدامع يعتلي
بوداعة الله يا علي
▪️▪️▪️▪️▪️
للباري والينه مضه
و النحبه هالليلة گضه
مات الامام المرتضى
مظلم بعد عينه الفضه
و الكون من بعد فَلي
بوداعة الله يا علي
▪️▪️▪️▪️▪️
هذا الجره و هذا الحصل
السيف للهامه وصل
عنه نفسه طه ارتحل
و تواره بأستار الاجل
فدوه له روحي و كل هلي
بوداعة الله يا علي
▪️▪️▪️▪️▪️
نفس الرسول المصطفى
بسيف الغدر نوره انطفه
عن عين اولاده اختفه
بعده على الدنيه العفه
و نار النوايب تصطلي
بوداعة الله يا علي
▪️▪️▪️▪️▪️
روح الوصي حامي الحمه
متوجه الرب السمه
تتصاعد بفيض الدمه
زينب غدت متيتمه
و تصيح من بعدك الي
بوداعة الله يا علي
▪️▪️▪️▪️▪️
انواره هالليلة انطفن
و اتوجه الجنة عدن
صار الحسين اويه الحسن
جهزوا حنوطه و الجفن
و بفگده كلمن مبتلي
بوداعة الله يا علي
▪️▪️▪️▪️▪️
من ربه وافاه الامر
دم طبرته صاب الفجر
ايتام اولاد الطهر
ينادون لا طال العمر
لا طال من بعد الولي
بوداعة الله يا علي
▪️▪️▪️▪️▪️
اويلاه يا سيدي
▪️▪️▪️▪️▪️
صوت اليتامه يرتفع
ليلة حزن ليلة دمع
▪️▪️▪️▪️▪️
تبجي الارض ويه السمه
بعدك يحماي الحمه
▪️▪️▪️▪️▪️
يا عيد الاگشر لا تهل
و احنه مدامعنا تهل
▪️▪️▪️▪️▪️
ليل وداع و نايبه
صوت الدموع الساجبه
▪️▪️▪️▪️▪️
هالليلة توديع الولي
رايح يبونه يا علي
▪️▪️▪️▪️▪️
لا تترك حسين و حسن
بين المصايب و المحن
▪️▪️▪️▪️▪️