قصيدة : هويتي رافضيه
للشاعر : علي الخفاجي
: ليالي استشهاد امير المؤمنين (ع)
: ليلة 21 رمضان 1435 هـ
: حسينية بيبي رباب - دولة الكويت
طور : #حلم_عمري #نجم_الثريه #يتابوت_الزجيه

هويتي رافضية .. دمعتي زينبيه
عهد من الولادة للمنية
▪️▪️▪️▪️▪️
نعم واليت حيدر من الاصلاب
شفت قبره ملاذ و صحنه محراب
اذا نذكر علي لا يحجي الغراب
ما لازمله سيف و لا قلع باب
علي السجدة الطويلة .. فلا عدكم مثيله
تظل راية مجدنه حيدرية
▪️▪️▪️▪️▪️
علي يبقى علي بيت القصيدة
احس كلشي بكياني يكلي عيده
اكرها الما يحبه و لا اريده
عقيدتنه و منو يغير العقيده
اردد من اطوفه .. حبيبي و ما اعوفه
نهوني و ما عفت حامي الحمية
▪️▪️▪️▪️▪️
جنة بلا علي تردونها تصير
مدري منيلكم هاي التعابير
اذا فعلا لكيتوا الهاي تفسير
ليش اعقولكم بالمرتضى تحير
نعم حيدر الكرار .. قسيم الجنة و النار
يفوز العنده من حيدر هوية
▪️▪️▪️▪️▪️
اذا عندك مضحي مثل ابو حسين
خل يگدر يرد الشمس مرتين
اعدلك بالمناقب و افتهم زين
بس طبرت علي تعادل الثقلين
علي الدنيه تهابه .. باب الجنه بابه
و ابد ما جنه بطائفية
▪️▪️▪️▪️▪️
يظل قلبي المحبة علي ظامي
شفيعي و بالحشر هو المحامي
امامي و افتخر انه بأمامي
وجودي و علتي و ديني و مرامي
حيدر هو ذاتي .. تسبيحة بصلاتي
و تطالب دمعتي بثار الزجية
▪️▪️▪️▪️▪️
عليمن نحجي ونلوم ونعاتب
منكم شافت الدنيه العاجيب
لأن والد علي ليث الحرايب
كافر كلتوا مات اعله ابو طالب
بسماء العز تفرد .. سند جان لمحمد
رفع شان الرسالة الاحمدية
▪️▪️▪️▪️▪️
بغضاً بالوصي صاحب النوماس
يزينب ارحلي يكتبون يا ناس
اذا لا سامح الله ترابها انداس
يزيح تراب لحده و يجي العباس
ابو الغيره الكفلها .. ما يرضه بزعلها
و لا ترجع بعد زينب سبيه
▪️▪️▪️▪️▪️