قصيدة : راس الكون صابوا
للشاعر : وسام الشويلي
: ليالي استشهاد امير المؤمنين (ع)
: ليلة 22 رمضان 1433 هـ
: حسينية داود العاشور البصرة ابي الخصيب
نسأل و بگلوبنه الحساسه
شلون راس الكون صابوا راسه
تهدمت و الله اركان الهدى
لون وجه الكون هالليلة انخطف
والسبب معروف سر الله نزف
صاح جبرائيل بالعليه و هتف
ركن دين الله انهدم من ساسه
غدر طاح الجان عالمله حرس
ذاك محرابه بدمه الهامه انترس
علي الدين المصطفى جان النفس
والله يستر لو قطع انفاسه
وسفه اشقاها شهر سيفه و طبر
راس اتقاها و اخو سيد البشر
فارس الفرسان معقولة انغدر
تنشد و مذهولة ظلت ناسه
ناسه تنشد و الدمع منها يهلي
يا علي شنهو الجرالك يا علي
لون عنه تروح صدك ننولي
الشيعي بأسمك هيبته و نوماسه
انته يا حيدر بهالطبره فزت
لجن خسرت شيعتك لمن رحت
يالشلت خيبر الف وسفة طحت
و الف وسفه الموت دك اجراسه
رد مع اقتباس