الشمس هي سبب مرض التيفوئيد؟
هل هذا الكلام صح ؟
اكيد لا الشمس بريئة من التيفوئيد مالها اي علاقه التيفوئيد أبد اصلا الشمس هيه الي تقتل الميكروبات
زين ليش بعض الناس تكول شمس هي سبب التيفوئيد؟
السالفه ومابيها أولا سبب التيفوئيد هوه بكتريا السالمونيلا وهاي البكتريا تنتقل عن طريق الماء والاكل الملوث وتكثر بفصل الصيف والجو حار الناس تعطش اكثر ف تشرب ماي من اي مكان وخاص الاطفال تشرب من النهر ، الشط ، المشروع ، الحنفيه وهذا اغلبه ملوث بهاي البكتريا ف يصاب بالتيفوئيد
الشغله الثانية لو تكعد سنه كامله جوه شمس ماراح يصيبك التيفوئيد انما راح تصيبك ضربه شمس خاصه للناس التشتغل جوه الشمس مثل العماله و الفلاح وغيرهم ف هنا هوه راح تظهر عليه أعراض ضربة الشمس الي هيه مقاربه الأعراض التيفوئيد مثل الغثيان والصداع وألم في البطن وممكن تقيء او اسهال .
لذلك المختصر المفيد الشمس مالها اي علاقه بالتيفوئيد اما تكون ماء ملوث او اكل ملوث او تكون عندك ضربة شمس او غيرها من الاسباب لكن مو الشمس .
رد مع اقتباس