ضليت وحدي وبس
الك توكع واجيك بالهفه
ومن شفتك انا تمايلت
ضليت مثل السعفه
من اجر حتني انت ورحت
جرحك بعد ما يشفه
وتذكر كبل لمن جنت
وياك امشي اعلل جمر
ما حاذرت واتحفى
كلبي اليحبك لا تضن
يبعد وكلش يجفه
من بعد ما انته رحت
هيهات تضحك شفه
ومثلي فلا تلكه بعد
انسان كلش تحفه
وهذا العشك عدنه ابد
ما يوم كلش يصفه
وحتى اذا نعشك صدك
هيه الاقدار تحرفه
وانا اعرفت ضيم العشك
واكفلي اي بالمكفه
راح ابقى احبك للأبد
يا عمري يجمل صدفه
هوه النهر من اغركت
خلاني مو يم جرفه
ومن بعدك انا تسودنت
سرنا الكبل هسه انفضح
والناس كلها تعرفه
الشاعر مصطفى الحسناوي
رد مع اقتباس