ملحده تسأل حبيبها
ملحده تسأل حبيبها
- انا كلش خايفة
وماكو شي يخلس ابنادم مثل ظنه
موسى… خاف باجر ماكو جنه !
خاف وحدنا انخلقنا !
خاف من نموت نبرد
خاف مامش روح تصعد
خاف محد…
خاف صدفة…
خاف بس الدنيا عدنه
- الخوف تربات السجون
وانتي حرة
الصدفة اذا خلقت الكون
شلون گدرت تخلق عيونج الشگرة !
لا تصدگين بحجيهم
ليلة المحشر تخبل ، والقيامة هواي گمرة
والهوه ينسم علينا ، والمية تگول خمرة
ويمرگ الله
ويبقى كلشي بطرگ عطره
يباوعلنه ويبتسم
يعذر القصر تجاهه گبل لا ينطي عذره
ويصرخ الشيطان كفرة
شلون يتساوى اليعيش عل الكمان وي اليعيش عل المدافع
يبتدي يأشر علينه واحنه نعرفها الاصابع
من نبوس الايد ما ننسه الاصابع
هذا يشرب
ذاك ما سحگت جدامه تراب جامع
ذوله غنوا لازم انصب الرصاص اعله المسامع
لازم ولازم ولازم
لجن سبحانه يخزره
يگول حضروا الحنه لوليدي الأحبه ويدفع من جيوبه مهره…
موسى الحمامي
رد مع اقتباس
المشاركة الأصلية كتبت بواسطة احمد العثمانيے
