الطگة وأخواتها في العراق :
موضوع طريف جداً عن 26 مصطلح عن الطكَة
باللهجة العراقية عجنبي ان انشره
1- طگني: بمعنى ضربني.
2- طگ التاير: بمعنى انفجر اطار السيارة .
3- يطگطك بالسوگ: بمعنى (يشتغل) اعمال حرة متفرقة.
4- طگت براسه: بمعنى قرر على استعجال وبدون مشاورة.
5- أطگها ركضة: يعني اركض بسرعة.
6- يطگ اصبع: يعني فرحان على غرار ما يُفعل عند الغناء والطرب.
7- طگطگت اصابيعي: إصدار صوت عند فرقعة مفاصل الاصابع.
8- طگلي صورة: بمعنى التقط لي صورة.
9- طگيت بيضة: اي قلي البيض بالزيت.
10- طگوه بالدهن: ، بمعنى كتلوه.
11- طگ طگه مو طبيعية او طگت وياه او أموره طاگة :
ومعناها انفتحت وياه او اشتهر او صار من اصحاب الاموال والاملاك بسرعة.
12- طگ الشجر: بمعنى تفتحت أورق الشجر في الربيع.
13- اسمع طگطگة: بمعنى اسمع اصواتاً غريبة!
14- فلك طكَك :بمعنى موت الكرفك ...او لفك ..
15- طكَت الكهرباء ...بمعنى انفجرت او انقطعت الكهرباء
16- طكَطكَت الشبابيك ..بمعنى الهواء عالي و يحدث اصوات ..
17- طكَـ طكَـ حرمل ..بمعنى بخر ضد العين
18- طكَت روحي ..بمعنى لعبانه نفسي و مالي مزاج
19-كام يطكَطكَـ ..بمعنى اصابه الخوف و الهلع
20-كلبه ايطكَطكَـ ...بمعنى روحه ملهوفة على شي ...
21- طكَـ الحايط ..بمعنى تم تهديم الحايط ..
22- لا تصير طكَطوكَي ...بمعنى لاتصير مو تمام
23- حاجة طكَطوكَية ..بمعنى Made in china
24- اموره طاكَة ..يعني ثري او غني
25- وحدة طاكَة ...يعني خشمها عالي و متتحاجة ..
26- ولا طكَة ..بمعنى لا علم و لا فهم .
ذكروني اذا نسيت طكَة من الطكَات .
رد مع اقتباس
المشاركة الأصلية كتبت بواسطة جَنـوبـيـة♡
