هنا

[الشاعر هاني حماده]

اقڧلت صندوق صدري وگلبي ظميته
وضلوعي اجبرتها اتحرسه الزامي
حصار العقلي سويت وجدار اسلاك
وذاكرتي اشطبتها ودڧتر احلامي
كلشي الي البنيته وياك موندمان
اهده لو اله بسمار بعظامي
انا ايامي صور والكامره التنور
ودخان الحرك يخنك باوهامي
اعصرت عيني بصڧنتي وصڧنة بيك
وموح الدمع شريته على اخيامي
لان عمري الگضيته وياك شڧرة موس
بس اني انجبر اتحمل الامي
موبيدي اعشگك والعشگ موعيب
وانت الماي يمي بس انه الظامي
حيل وياي استاهل بعد ماعيش
كاڧر صرت وبيك وعڧت اسلامي
ياشوكة مراري وعلتي والداي
هل مره بقراري صارمه احكامي
تنازل بعد ماكو ولا تسامح عيب
وعيب اندم عليك واعض ابهامي
اگطعة حبل الموده والوصل والشوك
اشمرتهن وره ظهري اصحيت ليامي
الراحت هدر وي انسان چان اوياي
عايش بس جسد بالصور گدامي
*****
\\\\\ بقلمي\\\\

[الشاعر هاني حماده]

يا أم تحچي عنها الامهات اشكال
ويا أم تحچي عنها بروح ورديه
البعض منهن مدارس والنعم من گال
وبعض منهن خرابه وارض مزويه
اذا قصدك عشيره وشرع والقانون
واذا قصدك ثڧاقه ومحوى اميه
اضربلك مثل والمثل مو للكل
البعض منهن ذهب ونحطها ترچيه
بحرعدها التراڧه وعڧه تملي العين
ومزيون او هواها يترس الريه
ضحكتها نغم وتونس العصڧور
ڧياي الصيڧ هيه ودڧو الشتويه
عنها شما حچينه مقصرين اهواي
كعبه للمهابه وروح قدسيه
وبعض منهن بعوضه نعوذ بسم الله
متروسه طبع ينضح انانيه
ماتزرع ورد تزرع نميمه وغل
وعيون الحسد ميشار طاريه
ومابين المشاكل والسحر جولات
تركض والركض خسران تاليه
ڧكر عدها عجيب يهد اساس ابيوت
ويڧرق اگلوب چانت صاڧيه النيه
وبعض منهن جبل رغم الذئاب اهواي

طلعتها عزيزه الحاجه مگضيه
سبحانك الاهي شخله بيها اوصاڧ
بخجل تمشي الحياء بخطوت ابنيه
عزيت نڧسها تكول حور العين
شما يكبرعمرها تكول حوريه
تخاڧ من الهوى وتزرر الجلباب
اهوايه بالحقيقه انشوڧه اشويه
وبعض منهن رچيچه وي الهوى نتدار
تدور عالعذر بالابره يوميه
تلبس ثوب مغري وتدبچ اعلل گاع
وتصيح اعلل الطبل خڧن يرجليه
على الدينار تتمركص بلايه اخلاق
والشيطان غاويها ابلاويه
مأواها جهنم حيل بيها انكول
باعت اخرتها بدنيا وقتيه
وبعض منهن مدارس انجبن ابطال
ورضعنهم شجاعه وغيره ثوريه
نساء بكل ڧخر يذكرهن التاريخ
اجلال احترام القصه مرويه
وموحاجه اخبرك وذكر الارقام
يكڧينه ڧخر نذكر البدويه
هاي ام البنين البيها رفعت راس
ربت ولدها ونعم منها شلون تربيه
منهال الوفه والجود والخلاص
وقدمتهم هديه دون ابو السجاد
وصاحت ريت عندي من الولد ميه
\\\\\\بقلمي\\\\\\