عاكستنه الريح ما نشرت شراع
ولا تگاوه على الدفع مرديها
لوعتنه الدنيا بشكال العذاب
ولعبت بحال التولع بيها
منها ما تاخذ تره اكعد ياسفيه
دنيا غبره ورافكت شاريها
فضي خلكك لليدوسون الذيال
وخلي وسعت بال للمرجيها
ولاتظل مطلج عنان على السيوف
ولاتنوجلهم خرب سركيها
صير لليطلب مسد لاتلوي ايد
الله قادر من تشح يطيها
واعبر السبعين وياه من يجور
اوله وصفح خوتك داريها
انثر ابكاعك بزر ترجاه يصير
ولا اتاني الصبخه وتباريها
خلي خرجيتك ذخر يوم الحساب
وكل حطام الدنيا لاتشريها
صير حمال الوكت مابي امان
واخذ من دنياك لاتطيها
دنيا غبره ورافگت وين الهدان
هذا اولها شتظن تاليها
علي تكليف الصگبان
رد مع اقتباس
المشاركة الأصلية كتبت بواسطة رقية↫
