شوفوا روحي
مگابله القاسم تريد مراد منه
شوفوا گلبي
لازم الشباچ يدعي يلم شملنه
وارد اسولف وحدي يمه
الصار والما صار وي ناس التهمنه
واحچي يمه همي وني
وطمع دنيا الغيّْرت بينه المحنه
وراح اگله بحرگه اگله
طلع بايخ كل حجيهم
وطلع ماصخ كل اكلنه
وارسم وجوه الولتني
بورقه بيضه وكل وجه اكتبله عنه
وراح اسولف
ليش باعونه برخص
وهدموا بيت الجمعنه
وراح اگله
لا شكيت ولا حچيت
ولا سألت الگلب مره شبدر منه
راحوا انطونه گفاهم
ونسوا ديس اللي رضعنه
وراح اگله بنيّه طيبه
بعده چفي
يدگ على البيبان ويحنيها حنه
وبعده گلبي
يدگ على ضلوعه موَده بغير منه
ولسه عيني عله الدرب
تنطر وفايض دمعها عله الهجرنه
توفيق الصكبان…محبتي لكم
رد مع اقتباس
المشاركة الأصلية كتبت بواسطة المستشار القانوني
