#قصة #قصيدة من #الديوانية
(الناس ملهوفه على خدك. .. وانته تاكل برتقال )

ذات يوم المرحوم الشاعر كاظم خبط الجبوري رايح لمكان بسيارة الباص فگاعده گباله بنيه كلش جميلة بالطريق مطلعه برتقاله من جنطتها ومگشرتها وتاكل فهو باوع عليها هي ما معبرته گالهه ممكن حچايتين بس گلتله : تفضل فگال

ان چانك ناوي اتدلل
عمي مو هيچ الدلال
الناس ملهوفه على خدك.
وانته تاكل برتقال

مشوه انه وروحي خضره
ومو ذنب لوبيك اعيل
بهيده رمشك لا تشيله
صواب مابيه ونحيل
واشتهيك وخوفي منك
تاخذ الروح وتميل

خذني ماشه بطرف زلفك
لو كتاب بجنطتك
احس الدنيا اتحرك
من تحرك شفتك
احس كل ايامي تضحك
من اشوفن ضحكتك

يابو شامه اوجه صافي
اصفه من ماي الزلال
الناس ملهوفه اعله خدك
وانته تاكل برتقال.
الله يرحمه ويسكنه فسيح جناته