ترستك ماي خوّة ولا نداوة لگيت
طلع جودك شبچ و اسراري تتطشر
خاويتك عشّب وي كل نسيم تميل
جربتك شجّر بالريح تتكسر
ومن صارت صدگ ردتك ولو حاجوز
وغصب عذرك قبلته تخاف تتعور
بزلّاتك اضم ردتك ضمير تصير
وچذبت الصدگ حتى انتَ ما تخسر
وعاونتك علّي من شفت عذرك خاب
وقنّعت النفس گلتلها يتغير
لا گصرك طوّل لا فاض بيك الطيب
لا شمسك علّت و الراكد تبخر
لا مدّك وصل و العين شافت نور
لا كسرك جبر لا لغزك تفسّر
گدامك طحتما شفت وجهك گام
وهاك ابسط مثال و شوف و تصوّر
ولك خشبة بطبر فرگست چف حطّاب
من شافت حطّب گدامها تطبّر
وجبت تعبي درّب صغته بعدالة ماي
يا درّب الأصوغه و بعد ما تعثر؟
يا ليل اليظل لو فجر يتعناه؟
يا گلب اليدگ لو دمه يتخثّر؟
يا ذل النهر يقبل سواجي يصير
وگبل كل السواجي الماي يتنطّر
گلت تطرح ثمر غرني الخضار البيك
وبقت روحي على فيّك تالي تتحسر
رد مع اقتباس