الليل جاباني الك لو انت اجيت
وفززتلي سنين چانت غافية
وفزعن مفرعات و يدورن عليك
بلا شعور اجدام تركض حافية
صورتك لسة بخيالي و من زمان
وچني من هالساعة شخصك شايفه
تزعل و عني تصد تنطي گفاك
ابقى احبك ما اگولن عايفه
...................
هذة الومضة هيجة المواجع فيّه .
جنت قبل لحظاة افكر بأشياء مادية ملموسة .
مثل .
عندي صديق مريض .وعندي مسواكَ لازم اجيبه
واقول بنفسي ازور المريض وبعدين اتسوكَ .بعدين تراجعت
كلت اتسوكَ واخلص واروح ازور صديقي . مسواكَ مثل بصل وتتن وهالسوالف .
وبالصدفة مريت على هذا المتصفح المعطر وقريت اهواية بيه
ومااعرف اشلون صادفت هذا المقطع من الشعر .
اشو نسيت العالم المادي الملموس بكل اشيائه وانقلبت مشاعري
وغارت بعالم اخر ليس له قرار وغير ممكن الوجود واعتقد غيرت رأيي لازيارة اليوم
ولامسواكَ بس راح اصفن واشرب جكَاير وعساها ابخت الشاعر .
..
اخونا صاحب الموضوع مدري شسمك .يااخي اكتب اسمك بالعربي خليه يتساوه مع ميولك
حتى نتشكر منك بشكل طبيعي .
المهم .
اعتقد لهذا السبب يعتبرون الشاعر يمشي على حافة جهنم .لانه كالكاذب يقرب البعيد
ويبعد القريب .
اليوم خرب واحتركَن تتناتي .
شكرا لك