هنا

[المستشار القانوني]

س وزاري/تكلّم عن الديوانية؟

ج//

شحچيلك عليها يالردت تعلم؟ ...

الدوانيه العليها تريدني اتكلم؟ ...

اظنك عن قصد تلچم جروح تريد

اذا احچي الصراحه راح تتندم ...

شحچيلك عليها والخراب هواي

اذا اشرح وضعها سنين ماتفهم ...

اذا جاوبت عنها شتنطي بالتصحيح

اذا عالخدمه حتّى الصفر ماالزم ...

منين تريدني ابدي يافتگ احچيه

ضيم الكهرباء البيها بس نحلم ...

ساعات اربعه ومرات سته تصير

والمسؤول نايم وابد مايهتم ...

لو عالماي اسولف والمصيبه هنا

يبست گاع اهلنا والزرع حشَّم ...

عن ضيم الشوارع عنمن احچي تريد

عن خط الفقر والناس تتألم ...

افقر منطقه ولكلشي محتاجين

وسنون الفساد مكشره تتحزم ...

من تجبل عليها تگول ياستّار

هاي المگبره چا ليش تتهدّم ...

عن ابرز مدنها تريد اشرح ليش

اذا اشرح مدنها ابدي من ياهَم ...

راح اذكر مثال ونكتفي من الضيم

بآل بدير اسولف حچي المايرهم ...

قضاء بلا ملامح كلشي ماموجود

لا مستشفى لا مشروع لا مَعلَم ...

لامصرف العدنا لامحطة نور

لا اطفالنا من الراحه تتبسم ...

شحچيلك بعد صار الوضع معلوم

انطينا صفر والصفر هم ارحم ...

*****************

سيد علي المدني

[الرميثي]

فعلا مدينة الديوانية
من المدن المهملة على الرغم من عراقة وتاريخ هذه المدينة
التي تستحق الكثير من الخدمات

فمثلا محافظة المثنى كانت عبارة عن مدينة مهجورة سابقاً
والان محافظة المثنى بالاعمار والمشاريع التي تم بنائها
تحس ان هناك فرق كبير بين الماضي والحاضر عندما تراها
وحتى نسب الفقر ايضا انخفضت بحسب بيانات وزارة التخطيط

واقول وهذا رأي شخصي
ان السبب هو بينا نحن
فعندما لاننتخب من هو على قدر المسئولية
تكون النتيجة هكذا