فقط للمتطفلين على الأدب الشعبي
*************
خربتوا الشعر بالأعد والتصفيج
وال الله. !!! گبل حچايت الشاعر
مشا عليكم الزاحف والردي المبيوگ
المهم صورة غريبة تداعب الخاطر
العروض ادهورت وابن الخليل يصيح
المايوزن البيت بمذهبي كافر
الحداثة منين اجت للماقراله كتاب
ومثقفنا الي يبات بمنكره يكاسر
عفتوا المفردات البيها نغمة وروح
ماطول المنصة اصبحت للقاصر
واذا ناقد يگلك موش الك مسروق
تگول اللة وكيل بحضي متواتر
فقط جملة حفضتوا خاف تنشدون
اجت متواترة الحافر على الحافر
يعمي استهدوا بالله وسموا بالرحمن
واتركوا. الكار لهله مبين الماهر
موكلمن ركبها يلوگله الميدان
يحول عن متنها وينسحب باچر
ولو ماكو اختصاص بهالبلد مصيون
صارت هربجي ويدوهن الحاضر
حتما بالنتيجة تبين الفرسان
وبيرغهم يرد للبي نفس شاعر

الشاعر..منهل البحاثي