من مات العشق چان الشهود فراگومن عاشت الفرگة العشق التوفه
چفي بچف حبيبي الدنيا خل تروح
هيچ احساسي چان من الزم بچفة
ومن حرّت لگينا ارواحنا مشتين
ومن بردت بروحي وروحة ندّفه
عشنا وماخذينا من العمر سنتين
لان كبرت الدنيا وحبنة ماكفة
متنا بساع چي چان العمر مهيوب
ماردنا عمرنا يكمل بصدفه
ومن صار البعد مامات بينا الشوق
ومامتت خواطرنا الگبل ترفه
وماصارت الغيبة بيينا من ننغيب
ولاكبرت محاسنا وصفت صلفه
طلعنا بحلم چن اثنينا مبينين
ولف بحضن ولف وكلمن وولفة
ماكفتنا دنيا نعيشها ونغتاظ
شمرة ماي بينا يحمى بس يدفة
وحرة اطباعنا والحر عزيز يصير
كلفة الروح لچن يمنا مو كلفة
لو يحتاج روحي گباله هية تصير
ولو احتاج روحة الگاها متكتفة
وعشنا وماخذينا من العمر سنتين
لان كبرت الدنيا وحبنة ماكفة
رد مع اقتباس