حـسـيـنـاه *** حـسـيـنـاه
....................................
مــا تــدري لــيـش گلـبـك يـدگ
مـعـنـاهــا حــب واحـد صــدگ
مـا بـيـه مـجــال هــذا الـگـلـب
بـس الـحـسـيـن يسـوه العشگ
حـطـيــتـلـك عــلــه بــدلـيـلـي
وتـولـه گـاضـي عـلـيـك لـيـلي
گد مابچيت وجاسني الشوگ
ذبـيــتـلــك عــيـن بــشـلـيـلـي
سـهـرانـه عـلـيــك ســهـرانـه
وتدري اليحب يكتله المتانه
ـــــــــــــــــــــــــ ــــــــــــــــــــ
عـيـنـي عـلـه اخوچ عين الدرب
مـوقـفـهـا چـان زيـنـب صـعـب
ضـلـت تـصـيــح يــهـل الـرحـم
يــا حــال اخــوي طــر الـگـلـب
لـو طــايــحـه الــدنـيــا عـلــيـه
ولا خـويـه هـيـچ يـصـيـر بـيـه
تــدرون مـــا تـــدرون يــعــزاز
مـا گـلـڪــم شـحــطـوا بـديـه
غـيـر التريده عيونك تشوفه
بـيـنـاتـنـه الـعـباس مچتوفه
ـــــــــــــــــــــــــ ــــــــــــــــــــ
تــونـي اريــد انــام وتـذڪـرت
ورديــت انـــام وتـــحـــلـــمــت
چـا ويـن اروح يـعـرض عـزيـز
يـعــنـي الـه امـوت گـلهم متت
چـا بـعـد بـيـش يـفـيـد عـمـري
ســلــمــت لله ولــيــهــم امـري
ڪسـر الـخـواطر بلكت يطيب
ردوا عــلـيـه بڪـسـر ضــهـري
تـعـبـانـه بـس شلون تعبانه
الدنيا وانه روحي خلصانه
ـــــــــــــــــــــــــ ــــــــــــــــــ
ارد اســتــراح ويــن انــتــچـي
مـابـيـه حـيـل والله الـحــچـي
تـشـبــع تــريــد مــن اخــوتـك
لازم تــگــوم تـــشـــبـع بــچـي
يـاهـوه مــثـلـي يـريـد يـرتـاح
ڪلسـاع و مـصـادفـلـه ذبـاح
تـخـيـل عشيره ويـاك يمشون
وتشـوفهم روس عله الارماح
ودانـه ويـن الوڪت ودانه
بنص الشماته الشام خلانه
ـــــــــــــــــــــــــ ـــــــــــــــــــــ
لا تــگــضـي هــاي لا تــنــبـنـي
مـا يـشـفـي گـام حـتـى الدمع
بـــنــادم يــروح يـفـگـد هــلــه
جـرح الـحـنـيــن حـدر الـضـلع
طـبـگـوا ضـلـعـي وتـعــبـونـي
وجـويـعـده وبـلـڪت يجوني
مـا شـوفـهـم يا بويه شيصير
چـا غـيـر بيـدي اللطم عيوني
مشتاگه بس لعيونه مشتاگه
هـوه الـعـزيـز يـخنگك فراگه
.......................................
الرادود : سيد فاقد الموسوي
الشاعر علي مالك الموسوي
رد مع اقتباس