قصيدة (عمتي زينب)
الرادود سيد فاقد الموسوي
الشاعر سيد محمد الموسوي
ـــــــــــــــــــــــــ ــــــــــــــ

اولاً لاحولَ و لاقوةَ الا كربلاء
القاسمُ بالطفِ لاغيرِ فتى

عمتي زينب .. عمتي زينب ..

گومي اطيني جود ، رايح للنهر
اخذ ثار ابوي ، وي ثار الگمر
انه ابن علي ، هاي العركه الي

بينه هواي من العباس العركه دواره اندورهه
من گد ماتعبنه الخيل انخسفت والله خواصرهه
اريدن لثامي افرح عمامي ..

عمتي زينب .. عمتي زينب ..
ـــــــــــــــــــــــــ ـــــــــــــــــــــــــ ــــــــــــ
ثانياً القوها فلا باقياً إلا سيفي
أما عزتي في الطفِ او حتفي

عمتي زينب .. عمتي زينب ..

تباً للسيوف ، وانه ابن الحسن
و چفوفي الثگال ، توهن دخّنن
يخسه العلگمي ، انه الهاشمي

رايح گبل العركه الماي ودم هاشم يرجف طينه
من نعطش نشرب عباس وحته الماي مفشلينه
يهيبه يجاسم كشختك صوارم ..

عمتي زينب .. عمتي زينب ..
ـــــــــــــــــــــــــ ـــــــــــــــــــــــــ ــــــــــــ
ثالثاً اضربُ في نينوى نارِ اللضى
عميَ العباسُ جدي المرتضى

عمتي زينب .. عمتي زينب ..

ابدي منين اريد ، وبچفي اللوه
سمّاني الحُسين ، زلمت نينوى
مت عين السهم ، يوصل للخيم

صدري ملاگه اسهام يصير وانه اضحك علراميهه
هاشم هاي ادور اثگال العركه التصوي نطب بيهه
الهواشم ثگيله سوالف طويله ..

عمتي زينب .. عمتي زينب ..
ـــــــــــــــــــــــــ ـــــــــــــــــــــــــ ــــــــــــ
رابعاً في خيام عمتي خدرُ النبي
واناْ القاسمُ احمي زينبي

عمتي زينب .. عمتي زينب ..

انه من ارد اصيل ، استنگي الزلم
تربات الكفيل ، عباس الشهم
انه ابن الهله ، ابن المرجله

كلما اطلع من البيت وتشمر سيف امي اعليه
ما رشّت ماي ابمگفاي اتگلي النشمي يرد ليه
شبابك مراجل اعرفك مقاتل ..

عمتي زينب .. عمتي زينب ..
ـــــــــــــــــــــــــ ـــــــــــــــــــــــــ ــــــــــــ
خامساً سأعيد في الطفوف خيبره
سأعيد فيها يوم القنطره

عمتي زينب .. عمتي زينب ..

انه ابن الشجاع ، ذاك الما رجف
مشراد الزلم ، يوصل للنجف
شمرت حيدره ، سبع الگنطره

عمه الگدامچ عريس و ماريد الزفه ألغيهه
يگضي الطف وكل عاشور الزفه الشيعه تسويهه
زفافي محرم عروسي مخيم ..

عمتي زينب .. عمتي زينب ..
ـــــــــــــــــــــــــ ـــــــــــــــــــــــــ ــــــــــــ
الكاتب ايليا حسين