قصيدة: (خذو كلـشـي)
الرادود: سيد فاقد الموسوي
ـــــــــــــــــــــــــ ــــــــــــــ
بكل مكان يحطلي عله .. البيت كله يعيل بيه
هنا كعد عباس صلى .. هنا وكف ينشد عليه
كل شي المفارك يهضمه .. حتى الشلونك اذيه
اليسد الوحشة ياهوة .. حسين بكبرة ماهوه
خذو كل شي ونسوني .. احاجي الكل شي ماكو
عبرت النوك وستحيت وما صحت.. يا اهل الضعون ادعولي اموت من وكت

هاي الضعون مبينه باجر ما ترد
ـــــــــــــــــــــــــ ــــــــــــــ

مو شرط كلمن يسافر .. يشتعل بالغربة گلبه
ثاري اليعوفونه وحده .. حتى بيته يحسه غربه
الحجي الما ينسمع ذله.. اليش صعبه السكته صعبه
على موتي بحسرتي ادعي.. ويبس بجفوفي دمعي
ليش من اذكر حسين .. شو يوجعني ضلعي
ربي اسمعدعوة امي معلعله .. اخذ عباس ورجع حسين لهله

هايةالضعون مبينه باجر ما ترد
ـــــــــــــــــــــــــ ــــــــــــــ

يا كمر بلا ارد انشدك .. يلي كل همك غيومك
هم شفت بالضعن حادي .. لو ضحك يشبه ارسومك
كمر بس مو مثل طبعك .. انت ما ساتر انجومك
عكس كلشي صفاته .. ضوه وساتر خواته
شيخ على المنايه .. وعبد لمدللاته
يا كمر صيح وياه من تتلاكه.. امك تكول علعلاني فراكه
فراكه فزز ذكرياتي .. ورجع بيه هوايه عمري
يوم يوم انطر شبابك .. وردته عون لشيب كبري
عوداني هوايه ينشد .. يمه كولي ويمه بشري
كبل لا يمشي صحته .. اجه ليه وشبكته
وصيته على زينب .. ويرجف كلا شفته
فدوه لحسين كولي لو كالو متت .. لا تنوحين شيلي راسج لو طحت
شنسه من ذيج الليالي .. البيه جان حسين يمي
هم تذكر عيوني الجنت وياهن تكضي السهر
هم جبتي طاريي وكلت كون بهل سفر
عبدالله هم يذكر كبل من جنت اشيله على الظهر
كالولي يحجي وكيفت معناه عبدالله كبر
بشرني يحسين صدك عبدالله كبران
لهسه بالبيت سوالفنه وضحكنه
كل ما يجي الليل اطلع ذكرياتي
واحجي وي العيون واكله هنا خذانه
هم بعدك تخاف عليه حتى من الأخوان
واتذكر تغار اذا باسو رگبته
شنسه من ذيج الليالي .. البيه جان حسين يمي
انه اروحن.. فدوه لأمه .. وهوه جان يكلي يمي
مشه حسين وجفاني .. ولا موت الخذاني
انكسر كلبي اعله گلبي .. ضعنهم من جزاني

ـــــــــــــــــــــــــ ـــــــــــــــــــــــــ ـــــ
الكاتب ايليا حسين