قصيدة :خانگني الهضم
الرادود :سيد فاقد الموسوي
ـــــــــــــــــــــــــ ــــــــــــــــــــ
متعمده اجيك بدمعتي واكل بصبعي وليك اصد
وين الله واكسر خاطرك وتغير النيه وترد
وتوسلت لله شكثر بلكي الضعن مايبتعد
يل ماتردنه طلب ياربي ارحم لوني
لوموت لوويا الضعن باچر هلي يركبوني
موتي ارحملي من فرگاكم
موتي ولاچلمت الله وياكم
يابويه اريد امشي اعله ممشاك
يامن يطلع الله وياك
يحسين لاتطيني مگفاك
يامن يطلع الله وياك
بويه وعلي وهيبت علي
وغربت علي وداعت علي
مو للسهر مو للقهر مو للسفر
بويه انته اليي
ترضاهه مبتليه ابمرض
ونوب بچفاك ابتلي
بس گلي گومي وشوفوني
ولو ماطبت رجعني
بس گلي صعدي ويه الضعن
مايبقى شي يوجعني
بويه اني ادري بيك تحبني
بويه بوداعك تعذبني
بتك واجيت بدمعتي انخاك
يامن يطلع الله وياك
يحسين لاتطيني مگفاك
يامن يطلع الله وياك
ـــــــــــــــــــــــــ ــــــــــــــــــــ
من امس خانگني الهضم
وملت چفوفي من الفرك
گلبك حنين وحابني
وادري عزيزة وماشك
وانه ادري كلش غاليه
بس موغالي الينترك
يحسين عندي اخر طلب
لوبچذب صيحولي
چم ليله عيشوني بفرح
ونص الدرب نزلوني
عيني ماتكسر بخاطركم
عيني من امس تتوسلكم
وانته اليضعك صعب يلگاك
يامن يطلع الله وياك
يحسين لاتطيني مگفاك
يامن يطلع الله وياك
ـــــــــــــــــــــــــ ــــــــــــــــ
مدري شجاني البارحه بحضنك لچن ماغمضت
ابچي اعله صدرك لصبح وبنحرك شگد حببت
يحسين گومني البچي وبصف رقيه تمددت
گمت التراچيهه اصد يابويه مدري شبيهن
لانايمه ولاحالمه واحد يگلي خذيهن
روحي تاخذهه لمن تبعد
روحي كل نفس تطلع وترد
يابويه حيلي يريد فرگاك
يامن يطلع الله وياك
من الصدك ماينزعل
بس گلبي جاساه الزعل
متامله تاخذني الصبح
بس هسه ماخليت امل
ازغيره وخافن وحدي
وحشه البيوت ابلا اهل
يابويه هنه چم نفس
يگضن وتطلع روحي
تانيني اموت وعوفوني
خلصني من جروحي
بويه ادعيلي اموت وافتك
بويه اشبع هضم لو عفتك
عن عيني ليش دير عيناك
يامن يطلع الله وياك
كل مايجي اليل اطلع ذكرياتي
واحچي ويا العيون اگلهه هنا خذانه
وافرش على الگاع رسايل من خواتي
واتيس الروح
سافر الماي وانه ويا
طار دمعي
ـــــــــــــــــــــــــ ــــــــــــــ
الكاتب
كرار جواد
رد مع اقتباس