ـــــــــــــــــــــــــ ـــــــــــــــــــــــــ ـــ
القصيدة: عِلّة بدِليلي
أداء: فَاقد المُوسوي

ـــــــــــــــــــــــــ ـــــــــــــــــــــــــ ـــ
حُسيناه.. حُسيناه
ـــــــــــــــــــــــــ ـــــــــــــــــــــــــ ـــ
حَطّيتلك عِلّة بدِليلي
واتلوّه گاضي إعليك ليلي
بگد ما بچيت وجاسني الشوگ(تگله زَينب)
ذبّيتلك عيني ب شِليلي
سَهرانة عيني إعليك سهرانة.. وتِدري اليحب يكتله المِتانة
حُسيناه.. حُسيناه
ـــــــــــــــــــــــــ ـــــــــــــــــــــــــ ـــ
عيني إعله اخوچ عين لدرب
موقفها چان زينب صَعب
ضلّت تصيح يـ اهل الرحم
يا حَال اخوي طَرّ الگلب
لو طايحة الدِنيا عليه.. ولا خُوية هيچي يصير بيّه !
تدرون ما تدرون يَـ اعزاز.. ما اگلكم شحطّوا ب اديه
غير التريده عيونك تِشوفه؟.. وبيناتنا العبّاس مچتوفة
حُسيناه.. حُسيناه
ـــــــــــــــــــــــــ ـــــــــــــــــــــــــ ـــ
توني ارد انام وتذكّرت
وردّيت انام وتحلّمت
چا وين اروح يعرض عِزيز
يعني إلّا اموت اگلهم متت
چا بعد بيش يفيد عُمري؟.. سلّمت لله و لِيهم امري
كَسر الخواطر بلكت يِطيب.. ردّوا عليه ب كسر ظهري
تعبانة بس شِلون تَعبانة(شلون تعبانه زَينب؟).. الدِنيا وآنه ورُوحي خلصانة
حُسيناه.. حُسيناه
ـــــــــــــــــــــــــ ـــــــــــــــــــــــــ ـــ
(بَعد شتگول؟)ارد استراح وين انتچي؟
وما بيّه حيل حتّىٰ الحَچي
إشبع تريد مِن اخوتك
لازم تگوم تشبع بَچي
يا هُوَ مِثلي يريد يرتاح؟.. وكل ساع ومصادفله ذَبّاح
تخيّل عشرة وِياك يمشون.. وتشوفهم رُوس إعله الرِماح
ودّانه وين الوكت ودّانه.. لا ضَل اخوي وحتّىٰ صُحبانه
حُسيناه.. حُسيناه
ـــــــــــــــــــــــــ ـــــــــــــــــــــــــ ـــ
بين اليجون والمّا يجون
يَوليدي عون ما عِندي عون
مو كل عزيز يچوي الگلب
بس كِلشي لا يتعطّلون
طبگوا ضلوعي وتعّبوني.. وجويعدة وبلكت يجوني
ما اشوفهم يا بُوية شيصير.. چا غير بيدي الطم عيوني
مشتاگة بس لعيونه مشتاگه.. هُوَ العزيز يخنگك فراگه
حُسيناه.. حُسيناه
ـــــــــــــــــــــــــ ـــــــــــــــــــــــــ ـــ